მერაია კერის სიკაშკაშე მის მე-16 ალბომშიც არ ჩამქრალა. Here For It All პარასკევს, 26 სექტემბერს გამოვიდა.
11-სიმღერიან ალბომს წინ უძღოდა ორი სინგლი: Type Dangerous და Sugar Sweet, რომელშიც მონაწილეობენ Shenseea და Kehlani. რაც შეეხება Type Dangerous-ს, 2025 წლის MTV VMA-ზე მან საუკეთესო R&B-ის ნომინაცია მოიგო, ამავდროულად გახდა კერის საიუბილეო, 50-ე ჰიტი Billboard Hot 100-ში.
ახალი ალბომი მოიცავს კოლაბორაციებს Anderson .Paak-სა (Play This Song) და The Clark Sisters-სთან (Jesus I Do). მიუხედავად იმისა, რომ SZA მასში არ მონაწილეობს, Apple Music-ის საუბრების ფარგლებში მან და კერიმ გულშემატკივარს ალბომის გამოსვლამდე მისი ერთ-ერთი სიმღერის, In Your Feelings-ის ნაწყვეტი მოასმენინეს.
@billboard @SZA is all of us ❤️ @Mariah Carey shares a snippet of “In Your Feelings” from her upcoming album ‘Here For It All’ during her Apple Music conversation in NYC. #interview #sza #mariahcarey #newmusic ♬ original sound – billboard
CBS Mornings-თან ინტერვიუში კი მომღერალმა ალბომის სახელწოდებაზე და სიმღერების განლაგებაზე ისაუბრა. „ალბომის ბოლო სიმღერა პირველ რიგში გადავწყვიტე და ვთქვი, რომ ეს იქნებოდა Here For It All. ასევე მსურდა, რომ სწორედ ეს ყოფილიყო ალბომის სახელწოდებაც. ეს სიმღერა ჩემთვის ძალიან კარგად ჟღერს და არ მინდოდა, ვინმეს გამორჩენოდა,” – აღნიშნა კერიმ.
Here For It All მომღერლის ბოლო სტუდიური ალბომიდან შვიდი წლის შემდეგ გამოვიდა. 2018 წელს გამოცემული Caution მოიცავდა კოლაბორაციებს ტაი დოლა საინთან (The Distance), Slick Rick-სა და Blood Orange-თან (Giving Me Life) და Gunna-სთან (Stay Long Love You). ალბომი მეხუთე ადგილზე გავიდა Billboard 200-ში და R&B/ჰიპ-ჰოპ ალბომების ჩარტის ლიდერი გახდა.
მოუსინეთ ალბომს Here For It All:
