Doja Cat პოპს დაუბრუნდა. არტისტმა 26 სექტემბერს ალბომი – Vie გამოსცა, რომელიც 15 სიმღერას აერთიანებს. ალბომი მოიცავს მხოლოდ ერთ კოლაბორაციას SZA-სთან. Vie-ს წამყვანი სინგლია Jealous Type, რომელიც Doja-მ 2025 წლის VMA-ზე საქსოფონისტ Kenny G-სთან ერთად შეასრულა.
მუსიკოსის თქმით, Vie უფრო პოპზეა ორიენტირებული, განსხვავებით მისი 2023 წლის რეპ-ალბომისგან – Scarlet. მუსიკოსის თქმით, ნამუშევარი შინაარსობრივად ეხება სიყვარულს, რომანტიკულ ურთიერთობებსა და სექსს. ალბომის ჟღერადობაში იგრძნობა 80-იანი წლებით შთაგონებული პოპ ენერგია, რომელიც, მაგალითად, კარგად ჩანს ჰიტში – Say So.
მომღერალმა და რეპერმა Apple Music-თან ინტერვიუში პროდიუსერ ჯეკ ანტონოფთან თანამშრომლობაზე ისაუბრა და აღნიშნა, რომ ჩანაწერის შექმნის წინაპირობა ძალიან პირადი გამოცდილება იყო:
„ეს იყო პირად თემებზე საუბარი და ამავდროულად ახლის შექმნა, ახალი ადამიანის გაცნობა და ყველაფერი ბუნებრივად დალაგდა. ჯეკ ანტონოფი საოცარი ადამიანი აღმოჩნდა, მასთან მუშაობა მართლაც სასიამოვნო იყო,“ – თქვა Doja Cat-მა.
ახლა, როცა ალბომი უკვე ხელმისაწვდომია, Doja Cat მას Ma Vie World Tour-ის ფარგლებში წარადგენს. ამ ეტაპზე კონცერტები დაანონსებულია აზიაში, ახალ ზელანდიასა და ავსტრალიაში. 4 ოქტომბერს კი მუსიკოსი Saturday Night Live-ის სცენაზე გამოჩნდება.
