Billboard ადასტურებს ინფორმაციას, რომ ქით ურბანი და ნიკოლ კიდმანი 19-წლიანი ქორწინების შემდეგ დაშორდნენ. პირველად ეს ამბავი 29 სექტემბერს TMZ-მ გაავრცელა. გამოცემის ცნობით, მომღერალი და მსახიობი ზაფხულში ერთად უკვე აღარ ცხოვრობდნენ.
ურბანმა და კიდმანმა ურთიერთობა 2005 წელს დაიწყეს. 2006 წლის ივნისში ისინი ავსტრალიაში, სიდნეიში დაქორწინდნენ. წყვილს ორი შვილი ჰყავს – 17 წლის სანდეი როუზი და 14 წლის ფეით მარგარეტი. ნიკოლ კიდმანს ასევე ჰყავს ქალიშვილი იზაბელა და ვაჟი კონორი ყოფილი მეუღლის, ტომ კრუზისგან.
ივლისში ურბანი მედიის ყურადღების ცენტრში მოხვდა მას შემდეგ, რაც მოულოდნელად შეწყვიტა ინტერვიუ ერთ-ერთი კითხვის დროს, თუ რას გრძნობს, როცა ნიკოლ კიდმანს ფილმებში ინტიმურ სცენებში ხედავს.
წყვილი ბოლოს საჯაროდ ივნისში, FIFA-ს კლუბების მსოფლიო თასის მატჩზე გამოჩნდა. ერთ თვით ადრე კი ისინი ერთად დაესწრნენ Country Music Awards-ს.
„რაც მისგან ვისწავლე, არის ის, რომ უფრო უშიშარი ვიყო ჩემს საქმიანობაში და მივყვე შემოქმედებით ცნობისმოყვარეობას,“ – თქვა ურბანმა კიდმანზე საუბრისას 2020 წლის ინტერვიუში. „სწორედ ამან იქონია დიდი გავლენა ჩემს მუსიკაზე ბოლო ხუთ-ექვს წელში,” – აღნიშნა მან.
2022 წელს კიდმანმა CBS Mornings-ს ქით ურბანის შესახებ უთხრა, რომ მისი გაცნობა საუკეთესო რამ იყო, რაც ცხოვრებაში დამართნია.
