ხანგრძლივი პაუზის შემდეგ Noble Savage ახალი ენერგიითა და განახლებული რიტმით ბრუნდება. 11 ოქტომბერს, სეზონის გახსნაზე, სცენაზე წარდგება ჰამბურგელი დუეტი GOME, რომელიც მსმენელს თანამედროვე ჰაუსის ახლებურ ინტერპრეტაციას სთავაზობს. საღამოს გამხსნელ აქტს ადგილობრივი არტისტი NaO შეასრულებს.
GOME-ის ჟღერადობა მოძრაობს კლასიკურ ჰაუსსა და ანდერგრაუნდ კულტურას შორის. მათი სეტები აერთიანებს ისეთ ჟანრობრივ ელემენტებს, როგორებიცაა ჰაუსი, ფანკი, სოული და დისკო. ბერგჰაინიდან რობერტ ჯონსონამდე, მექსიკიდან ბრაზილიამდე – GOME ქმნის მუსიკას, რომლის ყოველი ბიტი სიცოცხლითაა სავსე.
ახალი სეზონის გახსნას Noble Savage-ისთვის სიმბოლური მნიშვნელობა აქვს – ეს კლუბის ისტორიის ახალი თავის დასაწყისია. აქ ყოველი შაბათი თავისუფლებისა და კავშირის სიმბოლოდ იქცევა. მსმენელს წინ ელოდება საგანგებოდ შერჩეული ლაინაფები, რომლებიც საერთაშორისო სახელებს ადგილობრივ მუსიკოსებთან გააერთიანებს.
Noble Savage რჩება ერთგული თავისი კონცეფციისა – შექმნას სივრცე, რომელიც ეძღვნება ემოციას, შემოქმედებით თავისუფლებას და კლუბურ კულტურას.
ბილეთების საყიდლად ეწვიეთ ბმულს.
