22 ოქტომბერს LOUDspeakers კონცერტს საფრანგეთში, სტრასბურგში გამართავს. მუსიკალური საღამო 4-დღიანი პროგრამის ნაწილია, რომელიც 20-23 ოქტომბერს პლატფორმა „ხიდების მშენებლების” ორგანიზებით გაიმართება. ღონისძიებების სერია, სახელწოდებით „ხიდები ევროპასთან”, მოიცავს პანელურ დისკუსიებს, კინოჩვენებებს, გამოფენებს, ქალაქის ექსკურსიებსა და სხვა აქტივობებს. მუსიკალურ ნაწილში LOUDspeakers-თან ერთად სცენაზე ასევე წარდგებიან ნიკა ჩოხელი და სხვა ქართველი მუსიკოსები.
პლატფორმა „ხიდების მშენებლების” მიზანია ქართული დიასპორის გაძლიერება და საქართველოს დასავლეთთან ინტეგრაციის ხელშეწყობა. პროექტის პირველი ღონისძიება აშშ-ში, პრინსტონში გაიმართა.
