6 ოქტომბერს არტისტმა სოციალურ ქსელებში საიდუმლოებით მოცული თიზერი გამოაქვეყნა. ფოტოზე თავად არტისტი JISOO ჩანს, უკან კი მამაკაცის სილუეტი იკვეთება. წარწერაზე კი ვკითხულობთ: „დუეტი ახლოსაა.“
მეორე პოსტში მამაკაცის სილუეტი უფრო ახლოდან ჩანს, აღწერაში კი წერია: “ორი ხმა, ერთი ორბიტა. მალე.“
იდუმალებით მოცული პარტნიორი საბოლოოდ ჯგუფ One Direction-ის ყოფილი წევრი ზეინ მალიკი აღმოჩნდა.
მალიკი 27 ივლისს ნიუ იორკში, BLACKPINK-ის კონცერტზე, ქალიშვილთან ერთად იმყოფებოდა. შოუს შემდეგ კი მუსიკოსმა აუდიტორიიდან ფოტო გამოაქვეყნა, წარწერით:
„@BLACKPINKOFFICIAL მადლობა. მე და ქაის ძალიან მოგვეწონა.”
მომავალი დუეტი JISOO-სთვის პირველი ახალი მუსიკალური ნამუშევარი იქნება თებერვალში გამოცემული სოლო EP-ის, Amortage-ის შემდეგ, რომელშიც შედის სინგლები: Earthquake, Your Love და Hugs & Kisses.
ამჟამად არტისტი BLACKPINK-ის მსოფლიო ტურნე Deadline-ზე იმყოფება, რომელიც ივლისში სეულში დაიწყო და 18 ოქტომბერს ტაივანში, ქაოშიუნგში გაგრძელდება.
