წამყვანი ინვესტორი, დამოუკიდებელი გამომცემლობის, SONGS-ისა და საინვესტიციო კომპანია MUSIC-ის დამფუძნებელი მეთ პინკუსი ამ კვირას Billboard On The Record-ის წამყვანს, კრისტინ რობინსონს შეუერთდა, რათა განიხილოს, როგორ განვითარდა მუსიკალური კატალოგების ინვესტირების სფერო.
ინტერნეტზე დაფუძნებული საავტორო უფლებების ღირებულების ზრდიდან დაწყებული, ლეიბლებისა და გამომცემლების როლების ცვალებადობით დამთავრებული, პინკუსი აზიარებს საკუთარ ხედვებს იმის შესახებ, თუ საით მიემართება ინდუსტრია და რატომ შეიძლება ვიყოთ მნიშვნელოვანი ცვლილებების ზღვარზე. ის და რობინსონი განმარტავენ, თუ როგორ შეცვალა ტეილორ სვიფტმა საუბარი კატალოგის გაყიდვებთან დაკავშირებით, არის თუ არა ხელოვნური ინტელექტი მუსიკის ინდუსტრიაში შემდეგი დიდი რევოლუციური ფაქტორი და რას ნიშნავს ეს ყველაფერი სფეროს მომავლისთვის. გარდა ამისა, პინკუსი მთავარ კითხვასაც პასუხობს: არის თუ არა მუსიკალური ბიზნესი რეცესიისგან დაცული?
Billboard On The Record-ის გამოწერა შეგიძლიათ Instagram-ზე, Apple Podcasts-ზე, Spotify-სა და Youtube-ზე. Billboard On The Record არის SickBird Productions-თან პარტნიორობით შექმნილი პოდკასტი.
კრისტინ რობინსონი: მუსიკალურ ინდუსტრიაში განწყობა შეცვლილია. შესაძლოა, ეს არ იყოს ზუსტი შეფასება, მაგრამ სწორედ ასე იგრძნობა, განსაკუთრებით მაშინ, როცა 2024 წლის დასაწყისიდან მოყოლებული, სამ დიდ მუსიკალურ კომპანიაში (Sony, Universal და Warner) მუდმივად მიმდინარეობს შემცირებები და სტრუქტურული ცვლილებები, ხელოვნური ინტელექტი სულ უფრო მეტად ხდება შემოქმედებითი პროცესის ნაწილი; Wall Street-ი სულ უფრო მეტად ყიდულობს მუსიკალურ აქტივებს, რთულია წარმატების მიღწევა TikTok-ზეც, შენელებულია სტრიმინგის ზრდა და ამას ემატება ეკონომიკური არამდგრადობა. ადვილი გამოსაცნობია, რომ რთული ვითარებაა და დღეს სწორედ ამაზე ვისაუბრებთ.
ამიტომ დავურეკე ერთ-ერთ ყველაზე პატივსაცემ მეწარმესა და ინვესტორს მუსიკის სფეროში, მეთ პინკუსს, და ვთხოვე, რეალურად გაგვარკვიოს არსებულ ვითარებაში. ვინც არ იცით, ვინ არის მეთ პინკუსი, მინდა გითხრათ, რომ იგი ყველაზე მეტად ცნობილია დამოუკიდებელი გამომცემლობის, SONGS-ის დაარსებით. გამომცემლობა 2006 წელს შეიქმნა და მალევე გახდა მუსიკალური ინდუსტრიის ერთ-ერთი ყველაზე გავლენიანი მოთამაშე, რომელმაც იმუშავა ისეთ არტისტებთან, როგორებიც არიან The Weeknd, Lorde, Pharrell, Diplo და სხვები.
სრული ინტერვიუსთვის ეწვიეთ ბმულს:
