ჩარლი პუტის ახალი სიმღერა Changes Billboard-ის მიერ ჩატარებული გამოკითხვის ლიდერი გახდა. რეიტინგში, რომელიც პარასკევს გამოქვეყნდა, მსმენელებს კვირის საუკეთესო ახალი რელიზი უნდა აერჩიათ.
სიმღერა ხუთშაბათს გამოვიდა, სხვა ახალ რელიზებს შორის კი იყო: Morgan Wallen, Tame Impala, Teddy Swims, 5 Seconds of Summer და სხვები.
80-იანი წლების პოპ-სტილით შთაგონებულ სიმღერას პოზიტიური ატმოსფეროს მქონე მუსიკალური ვიდეო ახლავს, რომელშიც მომღერალმა მეუღლის, ბრუკის ორსულობის შესახებ გაამხილა. ვიდეოში მეორე სიახლეცაა, სადაც ჩარლი მეოთხე სტუდიური ალბომის, Whatever’s Clever!-ის გამოსვლას 6 მარტს აანონსებს.
„ჩარლი ახალ სინგლსა და მუსიკალურ ვიდეოში – Changes როგორც პირად, ასევე პროფესიულ ცვლილებებზე ფიქრობს.“ – წერია პრესრელიზში.
Whatever’s Clever! 2022 წლის ალბომ Charlie-ს გაგრძელებაა, რომელიც Billboard Hot 100-ის ტოპ 40-ში შესულ სინგლების მოიცავს: Light Switch და Left and Right (BTS-ის წევრ ჯონგ კუკთან ერთად). ახალი ალბომი მისი ხანგრძლივი პარტნიორი ლეიბლის, Atlantic Records-ის მეშვეობით გამოვა.
გამოკითხვაში ჩარლი პუტის Changes-ის შემდეგ, ახალ მუსიკალურ ნაწარმოებებს შორისაა მორგან უოლენის Graveyard Whistling ხმების 20%-ით, Tame Impala-ს Deadbeat – 14%-ით, Teddy Swims-ის You’ve Got Another Thing Coming – 7%-ით და 5 Seconds of Summer-ის Boyband ხმების 6%-ით.
