ნინი ნუცუბიძე ქალი პროდიუსერის ჯილდოს (Female Producer Prize) მფლობელი გახდა. ღონისძიება ყოველწლიურად გერმანიაში Sony Music Germany-სა და Music Women Germany-ს ორგანიზებით იმართება.
წელს ბერლინმა რიგით მეოთხე ცერემონიას უმასპინძლა, სადაც დაჯილდოვდნენ როგორც პროდიუსერები, ასევე კომპოზიტორები. 280-მდე აპლიკაციიდან ჟიურიმ ჯამში ექვსი გამარჯვებული შეარჩია, რომელთა შორისაც ქართველი მუსიკოსიც მოხვდა. ნინი ნუცუბიძე მუსიკალური პროდაქშენის კატეგორიაში დაჯილდოვდა.
„ჩემთვის დიდი პატივია, გერმანიის ქალი პროდიუსერის გამარჯვებულთა შორის ყოფნა. უსაზღვროდ მადლიერი ვარ,” – წერს მუსიკოსი სოციალურ ქსელში.
ღონისძიებასა და მის გამარჯვებულებს პოსტები მიუძღვნა Sony Music Germany-მაც.
