ნუცა ბუზალაძემ ახალი სიმღერა და ვიდეოკლიპი გამოსცა, სახელწოდებით Amen. მანამდე მომღერალი სოციალურ ქსელში მუდმივად აანონსებდა კლიპის გამოსვლის თარიღს და გამომწერებს გადაღების პროცესიდან ვიდეოებს უზიარებდა.
კლიპზე ლოს-ანჯელესში დაფუძნებულმა ფროდაქშენ კომპანია runngun.media-მ იმუშავა. როგორც აღწერაში ვკითხულობთ, პროექტის კრეატიული პროდიუსერი გიორგი გაბელიაა.
დინამიკური ვიდეო რამდენიმე ფონზეა გადაღებული, რომლებიც სწრაფად იცვლება. თითოეულ ლოკაციაზე ნუცა ბუზალაძე განსხვავებული იმიჯითაა წარმოდგენილი. ერთ-ერთ სცენაში მისი საქმროს, პროდიუსერ დარენ პრინსის კამეოსაც ვხვდებით.
ეს ქართველი მომღერლის პირველი ნამუშევარია, რომლის გადაღებაც ლოს-ანჯელესში შედგა.
