Billboard-ის პარასკევის მუსიკალური გზამკვლევი მელომანებისთვის კვირის ყველაზე მნიშვნელოვან რელიზებს უყრის თავს.
ამ კვირაში: Megan Thee Stallion მსმენელს სასიყვარული სიმღერით დაუბრუნდა, ლეონ თომასი და დენიელ ჩეზარი ნაზ, ცოცხალი ჟღერადობის R&B-ს სიმღერას წარმოგვიდგენენ, ხოლო ბრიუს სპრინგსტინი ახალი ჩანაწერით იმ ეპოქას, რომელიც მისი ახალი ბიოგრაფიული ფილმის შთაგონების წყაროა.
Megan Thee Stallion – LOVER GIRL
Megan Thee Stallion-ისთვის 2025 წელი მეტწილად მშვიდად დაიწყო, მაგრამ რეპვარსკვლავი ამ კვირაში სიყვარულით სავსე ჰიმნით, LOVER GIRL-ით ბრუნდება. სიმღერა 90-იანი წლების R&B ჯგუფ Total-ის ბალადის, Kissin’ You-ს სემპლზეა აგებული. ვალენტინობის დღემდე თითქოს ადრეა, მითუმეტეს, რომ სინგლის გარეკანზე მომღერალს კუპიდონის მშვილდ-ისარი უჭირავს, თუმცა, თუ ამ სეზონისთვის სასიყვარული სიმღერას ეძებ, ეს სწორედ ისაა.
ლეონ თომასი – Pholks
ლეონ თომასისთვის 2025 წელი ტრიუმფალური იყო, მისი Tiny Desk-ის სეტზე შესრულება ვირუსულად გავრცელდა. მან მოიგო BET Awards-ის ჯილდო და თავისი დიდი ჰიტით Mutt, მოხვდა Billboard Hot 100-ის ტოპ 20-ში. წელს კი შვიდი სიმღერისგან შემდგარ EP-ის, სახელწოდებით Pholks ასრულებს, სადაც სხვადასხვა მუსიკალურ ჟანრში ავლენს ნიჭს: ფანკი (5MoreMinutes), როკი (Trapped) და ჯაზ გარაჟ-როკი (Baccarat). სხვადასხვა ჟანრში მუსიკოსი თავს ბუნებრივად გრძნობს და ნათლად ჩანს, რომ ლეონ თომასი R&B-ის სამყაროში ერთ-ერთი ყველაზე ორიგინალური შემსრულებელია.
დენიელ ჩეზარი – Son of Spergy
ლეონ თომასისთვის და დენიელ ჩეზარისთვის ეს კვირა საკმაოდ მნიშვნელოვანი იყო. ჩეზარმა ახალი ალბომი, სახელწოდებით Son of Spergy გამოსცა. (Spergy მამის მეტსახელია). ეს პროექტი 2023 წლის Never Enough-ის შემდეგ პირველ რელიზს წარმოადგენს. ალბომი ნაზ და სოულის ჟანრის ბალადას Have a Baby (With Me), გრანჟ სიმღერას Call on Me და მყუდრო აკუსტიკურ სიმღერას Who Knows აერთიანებს. აღსანიშნავია, რომ ორ ტრეკში ალტ-ფოლკის ვარსკვლავი Bon Iver ჩნდება, ესენია: Moon და Sins of the Father.
Demi Lovato – It’s Not That Deep
Demi Lovato სამი წლის შემდეგ, მისი ენერგიული როკ-ალბომის, Holy Fvck-ის გამოსვლის შემდეგ ახალი მიმდინარეობით, ალბომ It’s Not That Deep-ით ბრუნდება. არტისტი პირველივე წუთებიდან მიანიშნვებს რომ ის კვლავ იცვლის სტილს. რიტმი და ტექსტი სიმღერაში Fast მიანიშნებს, რომ არტისტი turbo-pop ჟანრში ინაცვლებს, სადაც აშკარად კარგად გრძნობს თავს. თუმცა ეს არაა 2010-იანი წლების პოპის რეტრო. სიმღერაში Here All Night – Flashdance-ის სტილის სინთ-როკი ჟღერს, Frequency და Kiss კი Kesha-ს კლუბურ ენერგიას მოგვაგონებს. სიმღერა Sorry to Myself კი ემოციური საცეკვაო სტილის ბალადაა.
მეგან მორონი – Beautiful Things
ეს არი არის ათწლეულის ერთ-ერთი უდიდესი პოპ-როკ ჰიტის, ბენსონ ბუნის Beautiful Things-ის ქავერი, მეგან მორონი ამავე სახელწოდების აკუსტიკურ ბალადას აქვეყნებს, რომელიც მან ახალშობილ დისშვილს მიუძღვნა. შეიძლება ჩაითვალოს, რომ ეს სიმღერა მომავალი კლასიკაა ამომავალი ვარსკვლავისთვის.
ბრიუს სპრინგსტინი – Nebraska ’82
თუ ჯერემი ალენ უაითის მონაწილეობით ბრიუს სპრინგსტინის ახალი ბიოგრაფიული ფილმის, Deliver Me From Nowhere-ის გამოსვლას მოუთმენლად ელით, მანამდე ალბათ უკვე მოუსმინეთ Nebraska ’82-ს. ბრიუს სპრინგსტინის დელუქს რელიზს, რომელიც არა მხოლოდ ახალ ცოცხალ ჩანაწერებს, არამედ ადრეულ, დაუმუშავებელ ვერსიებსაც მოიცავს – Born in the U.S.A.-ს და ასევე სრულ Electric Nebraska-ს დისკს. აღნიშნულ რელიზში ადრინდელი პერიოდის ელქტრონული ვერსიებიაცაა შესული. მათ შორის: Atlantic City, Johnny 99 და ენერგიული ტრეკი U.S.A.
საერთო ჯამში, ეს ალბომი ბევრად უკეთესად წარმოაჩენს 80-იანი წლების დასაწყისზე დაფუძნებულ ბიოგრაგიულ ფილმ Nowhere-ს, ვიდრე თავად ფილმის ტრეილერები.
