თბილისში ჰენდპენის პირველი კონცერტი გაიმართა. მსმენელის წინაშე ჰენდპენის მუსიკოსთა გაერთიანება წარდგა, რომელიც საქართველოში აღნიშნული ინსტრუმენტის განვითარების ერთ-ერთი პიონერია. შესრულდა როგორც საავტორო, ასევე ცნობილი კომპოზიციების იმპროვიზაციები.
საღამო „ლოკო პარკის” სივრცეში შედგა და მას საქველმოქმედო სახე ჰქონდა. შემოსული თანხა სრულად გადაირიცხა ფონდში „სიცილით თერაპია.”
ნათელა ფოცხვერია – კონცერტის მონაწილე და თანაორგანიზატორი:
„ეს იყო ჰენდპენის პირველი მედიტაციური ჯემ სესია. ჩვენი გუნდი შედგება 17 მოყვარული მუსიკოსისგან, რომლებიც ვცდილობთ საქართველოში ამ ინსტრუმენტის პოპულარიზებას. ჰენდპენი, ზოგადად, ერთგვარი თერაპიული ინსტრუმენტია და სიმბოლურია, რომ კონცერტიდან შემოსული თანხა ბავშვების მკურნალობას მოხმარდება. ვფიქრობ, რომ სწორედ ამ სივრცეში ჩვენმა მუსიკამ კიდევ უფრო ჯადოსნური გარემო შექმნა.”
ჰენდპენი თანამედროვე პერკუსიული ინსტრუმენტია, რომელიც შვეიცარიაში 2000 წელს შეიქმნა და დიდი პოპულარობით სარგებლობს მთელი მსოფლიოს მასშტაბით.
