კეტი პერისა და ჯასტინ ტრიუდოს რომანი უკვე ოფიციალურია. თვეების შემდეგ, რაც ისინი ერთად შენიშნეს, 41 წლის მომღერალი და კანადის 53 წლის ყოფილი პრემიერ-მინისტრი პირველად გამოჩნდნენ საჯაროდ, როგორც წყვილი.
პერიმ და ტრიუდომ მომღერლის 41 წლის იუბილე აღნიშნეს Crazy Horse Paris-ში. საღამოდან გავრცელებულ ფოტოებში ჩანს, რომ წყვილი თეატრს ხელჩაკიდებული ტოვებს.
ორი კვირის წინ, ლონდონის კონცერტის დროს, პერი ხუმრობით გამოეხმაურა მისი და ტრიუდოს რომანზე არსებულ ჭორებს. სიმღერის დროს მან შენიშნა ფანი, რომელსაც ხელში ეჭირა ბანერი წარწერით: „კეტი პერი, ცოლად გამომყვები?”
„ასე გაიგე, რომ თავისუფალი ვარ? საინტერესოა,” – მიმართა სცენიდან მომღერალმა. „იცი, ეს 48 საათის წინ უნდა გეკითხა, ახლა ცოტა გვიანია,” – იხუმრა მან.
ამ მომენტამდე ვრცელდებოდა პაპარაცული ფოტოები, სადაც პერი და ტრიუდო ერთმანეთს იახტაზე კოცნიდნენ, ერთად სადილობდნენ პერის მონრეალის კონცერტის შემდეგ. ფანებმა ასევე დააფიქსირეს, თუ როგორ მღეროდა პოლიტიკოსი პერის ტურნეს კონცერტზე Firework-ს.
პერის ახალი რომანი ორლანდო ბლუმთან ივლისში მის განშორებას მოსდევს. წყვილი ერთმანეთს ცხრა წლის განმავლობაში ხვდებოდა. მათ საერთო ქალიშვილი დეიზი დოუვი ჰყავთ.
რაც შეეხება ტრიუდოს, 2023 წელს ის ასევე განქორწინდა სოფი გრეგუარ ტრიუდოსთან, რომელთანაც სამი შვილი ჰყავს.
