ჯორჯ კლუნი ჰოლივუდის ადრეული წლებიდან, კარიერის დასაწყისის ერთ-ერთ ყველაზე უცნაურ მომენტს იხსენებს, როდესაც ლეგენდარულმა ფრენკ სინატრამ გაკიცხა. 23 ოქტომბერს მსახიობი ლოს-ანჯელესში ახალი ფილმის, Jey Kelly-ს პრემიერას ესწრებოდა, სადაც გაიხსენა პერიოდი, როცა ჯერ კიდევ ცდილობდა საკუთარი ადგილის დამკვიდრებას. ამ დროს იგი შემთხვევით მუსიკის ლეგენდებს, ფრენკ სინატრასა და ტონი ბენეტს შეხვდა.
„მახსოვს, დეიდაჩემის, როზმარის მძღოლი ვიყავი, როცა ის მომღერალი იყო. ბავშვობაში კარგად არ ვიცნობდი, რადგან კენტუკიში ვცხოვრობდი, ის კი ჰოლივუდში. ასე რომ, როცა სამუშაოდ ჩამოვედი, მისი მძღოლი გავხდი.“ – უამბო ჯორჯ კლუნიმ ჟურნალ People-ს.
ამ პერიოდში კლუნი ხშირად ხვდებოდა მუსიკის უდიდეს სახეებს: ტონი ბენეტს, ფრენკ სინატრას და სხვებს.
„ფრენკ სინატრა და ტონი ბენეტი სხვადასხვა ადგილას დამყავდა, ერთი წლის განმავლობაში ამ შესანიშნავ მომღერლებთან მომიწია ყოფნა და წარმატებისა და წარუმატებლობის მართლაც შესანიშნავი ცხოვრებისეული გაკვეთილი მივიღე.” – აღნიშნა მსახიობმა.
ერთ-ერთი ყველაზე მოულოდნელი შემთხვევა თავად ფრენკ სინატრას უკავშირდება, როცა მომღერალი ჯორჯ კლუნზე გაბრაზდა. მსახიობის თქმით, სინატრამ მას აღელვებულმა დაურეკა. იმ პერიოდში ჯორჯ კლუნი პრესის თავისუფლების დამცველი იყო და მედიის ბოიკოტს ხელმძღვანელობდა, ფრენკ სინატრა კი ამ პროცესებით აღფრთოვანებული არ იყო. იმ დროს ხალხი ფიქრობდა, რომ სინატრა ავადმყოფობდა, ჟურნალისტები კი მის სახლს ვერტმფრენით უთვალთვალებდნენ.
ფრენკ სინატრამ დამირეკა და მითხრა: „ის, რასაც აკეთებ, არ მუშაობს!“ – თქვა ჯორჯ კლუნიმ, შემდეგ კი ღიმილით დაამატა: ,,შესანიშნავი იყო, მან გამკიცხა, ეს ხომ რაღაცას ნიშნავს. წარმოგიდგენიათ, ფრენკ სინატრამ დამიყვირა” – აღნიშნა მსახიობმა სიცილით.
მოგვიანებით, როდესაც ჯორჯ კულნმა ოსკარი მიიღო, ადრეული გამოცდილების მნიშვნელობაზე ისაუბრა, სადაც აღნიშნა, რომ ამ პერიოდმა მნიშვნელოვნად განსაზღვრა მისი წარმატებული კარიერა, განსაკუთრებით კი რეალობასთან მჭიდრო კავშირმა იქონია მასზე გავლენა.
„ჩემი მეგობრების უმეტესობა, ვისთანაც 40 წელზე მეტია, ვმეგობრობ, ვის დივანზეც მეძინა, როცა გაკოტრებული ვიყავი, ყოველთვის მხარში მედგნენ. როდესაც ადამიანები მადიდებენ, ისინი პირველები მახსენებენ, რომ ყველაფერი სერიოზულად არ უნდა აღვიქვა.” – ამბობს ჯორჯ კლუნი.
