Billboard-ის პარასკევის მუსიკალური გზამკვლევი კვირის ყველაზე მნიშვნელოვანი რელიზების მიმოხილვაა, სიმღერების რომლებიც კვირის განმავლობაში აქტუალური იყო.
Florence + The Machine, Everybody Scream
აღსანიშნავია Florence + The Machine-ის ახალი ალბომი Everybody Scream, რომელიც ჰელოუინის განწყობას იდეალურად გადმოსცემს, თუმცა არა ფენტეზის, საშიშს და არარეალურს, არამედ ცხოვრებისეულ, რეალურ გამოწვევებს ასახავს, თუ როგორ აწყდება პოპ-როკ შემსრულებელი ქალი მუსიკალურ ინდუსტრიაში სხვადახვა პრობლემებს. მუსიკოსს ცოტა ხნის წინ ჯანმრთელობის პრობლემებიც ჰქონდა. ალბომი მის ძალას და ენერგიას გადმოსცემს.
Tyler, The Creator – Mother
Tyler, The Creator მიიჩნევს, რომ მისი ახალი ბონუს ტრეკი Mother ძალიან მნიშვნელოვანია ალბომ CHROMAKOPIA-სთვის, ამიტომ ტრეკლისტის შუაში განათავსა. სიმღერა მის დედაზეა, თუ როგორ ზრდიდა და ასწავლიდა ცხოვრებას. კომპოზიცია ინტენსიურია, დაძაბული რიტმითა და ელქტრონული კლავიშის სინთეზში ჰარმონიული ჟღერადობით.
Brent Faiyaz – Have To
კროსოვერ R&B-ისთვის შესანიშნავი წელია და Brent Faiyaz-ის დაბრუნებისთვის ახლა საუკეთესო დროა. მისი ახალი სიმღერა Have To სასიყვარულო კომპოზიციაა. სიმღერაში თავად არტისტი საკუთარი ხმის მრავალხმიან ჟღერადობას ქმნის, რომელიც საერთო ჯამში შთამბეჭდავი და უნიკალურია.
Reneé Rapp – Lucky
Reneé Rapp-ს განსაკუთრებით კარგად ეხერხება პოპის და მსუბუქი გრანჟ ალტერნატიული როკის სინთეზი. ამის საუკეთესო მაგალითია მისი აგვისტოს თვის ალბომი Bite Me და ახლა კი ახალი სიმღერა Lucky, რომელიც Now You See Me: Now You Don’t საუნდთრეკისთვისაა შექმნილი.
Sub Focus feat. Grimes – Entwined
Grimes ‘n’ Bass! Miss Anthropocene შემდეგ Grimes ერთჯერადი პროექტებით და კოლაბორაციებით იყო დაკავებული. უახლესი მათგანია პროდიუსერ Sub Focus-თან ერთად შექმნილი ტრეკი Entwined. ჰელოუინის ფლეილისტისთვის ეს სიმღერა იდეალურია.
Oklou – Choke Enough (Deluxe)
ამომავალი ფრანგი ელექტრო-პოპ შემსრულებელი Oklou წლევანდელი დებიუტ ალბომით Choke Enough-ით გამოჩნდა, ძლიერი Claire Boucher/Grimes ვიბებით. თუ 13-ტრეკიანი ალბომის შემდეგ მსმენელები მეტს ელოდნენ, Oklou (Marylou Vanina Mayniel) ხელახლა გამოსცემს ალბომს ოთხი ბონუს ტრეკით, მათ შორის კოლაბორაციით Fka Twigs-თან სიმღერით Viscus, სინთ ბალადით What’s Good და აკუსტიკური, მაგრამ განსაკუთრებული მახასიათებლების მქონე ტრეკით The Fishsong Unplugged.
