ჯესიკა სიმპსონი რვაწლიან სიფხიზლეს ზეიმობს. მომღერალმა და სატელევიზიო სახემ ინსტაგრამზე პოსტი გამოაქვეყნა, სადაც ჰყვება, თუ როგორ მოახდინა ალკოჰოლისთვის თავის დანებებამ მისი ცხოვრებისა და შემოქმედების ტრანსფორმაცია.
„8 წლის წინ, სწორედ დღევანდელ დღეს, გავაკეთე არჩევანი, შემეხედა სიმართლისთვის, მეღიარებინა და გამეშვა ჩემი ცხოვრების თვითდამანგრეველი ნაწილები, რომელთაც თავად ვირჩევდი,” – წერს მომღერალი. „ამ გადაწყვეტილებამ მომცა საშუალება, სრულად მეცხოვრა ღმერთის გზით. ალკოჰოლმა ჩაახშო ჩემი ინტუიცია, დაბლოკა ოცნებები და კვებავდა თვითკმაყოფილების ჩემს გამუდმებულ შიშს.”
„დღეს მე სუფთა ვარ და წინ რწმენა მიმიძღვის. ორივე – შიში და რწმენა ისეთი რამაა, რასაც ვგრძნობთ და ვერ ვხედავთ. ძალიან ბედნიერი ვარ, რომ მათ შორის რწმენა ავირჩე. მე ჩემი ძალა ბრძოლაში არ მიპოვია, მე ის დანებებაში ვიპოვე.”
მომღერალი საკუთარ სიფხიზლეზე გულწრფელად 2020 წლის შემდეგ საუბრობს, რაც თავის მემუარებში დაწერა, რომ ალკოჰოლს 2017 წლიდან დაანება თავი.
ცოტა ხნის წინ სიმპსონმა ასევე აღნიშნა, რომ ფხიზლად ყოფნამ მისთვის მუსიკის წერის პროცესიც შეცვალა. „ყოველთვის, როცა ვწერდი, ჩემი თავის მეშინოდა, რადგან იმ დროს ვსვამდი. მაგრამ დავანებე თუ არა თავი ალკოჰოლს, ეს შიშები შემცირდა და გაქრა.”
„ბევრად მარტივი გახდა ჩემთვის შემოქმედებითად საკუთარი თავის პოვნა. ადრე ვფიქრობდი, რომ რაც მეტს დავლევდი, უფრო მაგარი ვიქნებოდი და მაგარ სიტყვებს ვიპოვიდი გასარითმად. ზედმეტად ბევრს ვფიქრობდი, როცა ვსვამდი.”
