Rosalía-მ მსმენელი თავისი ახალი სტუდიური ალბომის, LUX-ის გამოსვლით გააოცა. 18 სიმღერისგან შემდგარ ამბიციურ პროექტში არტისტი კომპოზიციებს 13 ენაზე ასრულებს. ალბომის ფარგლებში მომღერალმა London Symphony Orchestra-სთან ითანამშრომლა.
Rosalía-ს ალბომს მსმენელი პირველად გასულ თვეში გაეცნო, როცა სინგლი Berghain გამოვიდა. მასში ბიორკი და Yves Tumor მონაწილეობენ. ტრეკი სიმებიანი ორკესტრის ინტროთი იწყება, რასაც მოსდევს Carmina Burana-ს სტილის ნაწილი და Rosalía-ს სოპრანო სამ სხვადასხვა ენაზე. „ამ ალბომს სრულიად სხვა ჟღერადობა აქვს, ვიდრე ჩემს წინა პროექტებს. ჩემთვის დიდი გამოწვევა იყო უფრო ორკესტრული პროექტის კეთება და იმის სწავლა, როგორ გამოიყენო ორკესტრი, როგორ გაუგო ყველ ინსტრუმენტს, შეისწავლო საოცარი კომპოზიტორები და თქვა: კარგი, ასე იქმნებოდა [მუსიკა], შემდეგ კი დასვა კითხვა: ახლა მე რა შემიძლია, რაც პირადული და ჩემთვის გულწრფელი იქნება? ასევე რთული იყო კლასიკური მუსიკისგან შთაგონების მიღება და იმაზე ფიქრი, როგორ გამეკეთებინა რაღაც, რაც აქამდე არ მიკეთებია – სიმღერების წერა სხვა ადგილიდან, სხვა ენერგით. ინსტრუმენტების ჟღერადობა სრულიად განსხვავდება ჩემი წინა პროექტებისგან, ასევე ტექსტიც, სტრუქტურები – ძალიან განსხვავებულია,“ – ამბობს Rosalía ინტერვიუში.
მიუხედავად იმისა, რომ LUX-მა კრიტიკოსების მაღალი შეფასება მიიღო, Rosalía-ს ერთგული მსმენელები ჯერ კიდევ ეჩვევიან მის ავანგარდულ პროექტს.
ნახეთ ინტერნეტში გავრცელებული ე.წ. მიმები, რომლებიც Rosalía-ს ალბომმა და უშუალოდ Berghain-მა გამოიწვია:
