Shakira Disney-ს ანიმაციურ ფილმ Zootopia 2-ში ბრუნდება, სადაც იგი პოპვარსკვლავ Gazelle-ის როლს ასრულებს. ანიმაციურ ფილმში მომღერლის ახალი სიმღერა Zoo ჟღერს, რომლის ვიდეოპრემიერაც 12 ნოემბერს შედგა.
სამწუთიან მუსიკალურ ვიდეოში არტისტი ანიმაციური პერსონაჟის, Gazelle-ის შთაგონებით არაერთი იმიჯით ჩნდება, სადაც სხვა გმირებიც გვხვდებიან, მათ შორის: Judy Hopps (ჯინიფერ გუდვინი), Nick Wilde (ჯეისონ ბეიტმანი), Gary De’Snake (კე ვი ჩიუანი) და Nibbles Maplestick (ფორტუნ ფაიმსტერი).
მუსიკალური ვიდეო, სადაც რეალური კადრები და ანიმაციაა გაერთიანებული, რეჟისორმა ჰანა ლაქს დევისმა გადაიღო. მოქმედება ფილმის მიხედვით, სხვადასხვა გარემოში ვითარდება, მათ შორის ქალაქის ამინდისგან დამცავი კედლების 100 წლის იუბილესადმი მიძღვნილ Zootenial Gala-ზე და კლდზე, სადაც Shakira პერსონაჟებთან, ჯუდისთან და ნიკთან ერთად მწვერვალზე ადის.
Zoo-ს ავტორები ედ შირანი, ბლეიკ სლატკინი და Shakira არიან. სიმღერა ოქტომბერში გამოვიდა და ის პირველი Zootopia-დან 2016 წლის ჰიტის, Try Everything-ის ერთგვარი გაგრძელებაა. ანიმაციური ფილმი Zootopia 2 კი კინოთეატრებში 26 ნოემბერს გამოვა.
თვის დასაწყისში Shakira-მ ისტორიული ტურნეს, Las Mujeres Ya No Lloran World Tour-ის აღსანიშნავად Billboard-ის პირველი Global Touring Icon-ის ჯილდო მიიღო. ეს ტურნე ლათინოამერიკელი ქალის მიერ ჩატარებულ ყველაზე შემოსავლიან ლათინო ტურნედ და ისტორიაში მეორე ყველაზე შემოსავლიან ლათინო ტურნედ იქცა.
„ეს გამამხნევებელი, შთამაგონებელი, წარმოუდგენელი და ამავე დროს დიდი მოტივაციის მომცემია. თითქოს ახლა ვიწყებ კარიერას, რაც სიგიჟეა, იმიტომ, რომ უკვე 30 წელზე მეტია, ამ ინდუსტრიაში ვარ.” – განაცხადა Shakira-მ სამადლობელ სიტყვაში.
