თბილისის მუსიკალური სცენის ერთ-ერთი დასამახსოვრებლი ხმა, Landmark-ის ყოფილი სოლისტი ბასკი, ახალი მუსიკალური პროექტით ბრუნდება. არტისტმა წლების წინ მსმენელს ალტერნატიული მუსიკით და გამორჩეული ვოკალით დაამახსოვრა თავი, დღეს კი იგი ბერლინში მოღვაწეობს და ახალ პროექტზე, midnite spagetti-ზე მუშაობს.
ბასკი – მუსიკოსი (midnite spagetti):
„გამარჯობა, მოკლედ თუ ვრცლად, მე ბასკი ვარ – თბილისში გაზრდილი და ამჟამად ბერლინში დაფუძნებული მუსიკოსი. თუ ვინმეს ახსოვს, ადრე ვმღეროდი, ვუკრავდი და სიმღერებს ვწერდი ბენდში, რომელსაც Landmark ერქვა, ჩვენი ერთ-ერთი სინგლი Northern Lights იყო:
უკვე ორ წელიწადზე მეტია, ვმუშაობ სტუდიაში ჩემს პროდუსერთან – კამერონ ლენგთან (UK) ერთად სიმღერებზე და მალე, 17 ნოემბერს, ჩემს პირველ სინგლს, სახელად – Permanent Vacation-ს გამოვუშვებ. ჩემს ახალ პროექტს midnite spagetti-ქვია და ამ პროექტის სახელის ქვეშ შემდეგი თვეების განვმალობაში კიდევ ბევრი სიმღერის გამოშვებას ვაპირებ. მაგალითად, ამ სინგლის მერე მალევე ახალი სიმღერაც დაიდება. პროექტის მიზანია, გაანადგუროს კაპიტალიზმი და თუ ვერ გაანადგურებს… დასცინოს მაინც. სიმღერა სამუდამო შვებულებაზე მოგვითხრობს, რომელიც ძალიან ბევრ ადამიანს გვინდა, რომ გვქონდეს, მაგრამ სამყაროს აპოკალიფსის ფონზე ოფისში სიარული მაინც გვიწევს. რაღაც ისე დაემთხვა, რომ სინგლს მართლა შვებულების დროს გამოვუშვებ. სიმღერაზე მუშაობდნენ მუსიკოსები და მეგობარი აკაცუკები ინგლისიდან და გერმანიიდან. ვიოლინოს პარტია ძალიან ნიჭიერმა ფაბიანა სტრიფლერმა ჩაწერა.
მეტი სიახლისთვის კი გამომყევით ინსტაგრამ გვერდზე.”
სამომავლოდ ბასკი მსმენელს ახალ მუსიკალურ თავგადასავალს ჰპირდება, რომელიც სოციალურ თემებს, კაპიტალიზმის სატირას და ყოფით პრობლემებს ეხმიანება, მანამდე კი ნახეთ Permanent Vacation-ის თიზერ ვიდეო და დაელოდეთ 17 ნოემბერს, როცა სინგლი გამოქვეყნდება.
