Stray Kids-ის უახლესი ალბომი – DO IT ამ კვირის Billboard-ის გამოკითხვაში ლიდერობს. მუსიკის მოყვარულებმა Billboard-ის მიერ 21 ნოემბერს გამოქვეყნებულ გამოკითხვაში გამარჯვებულის სტატუსი სწორედ Stray Kids-ის ახალ, ხუთტრეკიან EP-ის მიანიჭეს.
DO IT იმავე კვირაში გამოიცა, როცა Wicked: For Good ფილმის საუნდტრეკის პრემიერა შედგა. ამ კვირაში ახალი მუსიკა ასევე გამოუშვეს ტეიტ მაკრეიმ, The Kid LaROI-მ, Tainy-მ Karol G-თან ერთად და სხვა არტისტებმა. მიუხედავად იმისა, რომ Wicked: For Good გაყიდვების ლიდერია, Billboard-ის მკითხველთა უმრავლესობამ აშკარა უპირატესობა Stray Kids-ს მიანიჭა – DO IT-მა ხმების 86% მიიღო.
Stray Kids-ის ეს ახალი ნამუშევარი, რომელსაც ჯგუფი მიქსტეიპად და „სპეციალურ ალბომად” მოიხსენიებს, მათი მეოთხე კორეულენოვანი სტუდიური ალბომის – Karma-ს შემდეგი რელიზია. Karma სექტემბერში Billboard 200-ის პირველ პოზიციას იკავებდა.
ჯგუფის თქმით, DO IT წარმოადგენს მუსიკალურ მოწოდებას – „იმოქმედე თამამად და თავდაჯერებულად ახლავე“, პარალელურად კი გადმოსცემს იმ გზას, რომელსაც Stray Kids გადის საკუთარი მიზნის მისაღწევად.
EP მოიცავს შემდეგ სიმღერებს: Do It, DIVINE, Holiday, Photobook და Do It (Festival Version). პირველი ტრეკი ჯგუფმა მუსიკალურ ვიდეოსთან ერთად წარადგინა.
