„FIND ME“ – ასე ჰქვია ტრეკს Kordz-ისა და თამრიკო კორძაიას კოლაბორაციული ალბომიდან. ეს პირველი კომპოზიციაა, რომელიც მუსიკოსებმა მსმენელს დაანონსებული ალბომიდან გაუზიარეს.
ხელოვანი დედა-შვილის, ალექსანდრე კორძაიას (Kordz) და თამრიკო კორძაიას ერთობლივი ალბომი მათი პირადი ჩანაწერია, რომელზეც არტისტები უკვე ერთ წელიწადზე მეტია, მუშაობენ.
სოლო ფორტეპიანოსთვის შექმნილ ექსპერიმენტულ ნაწარმოებს თამრიკო კორძაია გაუმართავ ინსტრუმენტზე, ციურიხის პატარა სტუდიაში ასრულებს.
„ყოველთვე გამოვუშვებთ თითო ტრეკს, სანამ ალბომი სრულად გამოვა. ეს იქნება მოგზაურობა ნაწარმოებების ნოტებით, ჩვენი და ჩვენი მეგობრების ვიდეოებით და სხვა,” – წერს Kordz ოფიციალურ პოსტში.
ალბომი Prrrrrrr Records-თან თანამშრომლობით შეიქმნა.
მოუსმინეთ კომპოზიციას – „FIND ME“:
