ონისეს კონცერტი „არტერიაში”

13 დეკემბერს „არტერია” ონისეს კონცერტს უმასპინძლებს. ღონისძიებაზე მუსიკოსი ბენდთან ერთად სრულიად განახლებული ფორმატით წარდგება.

ონისე 2000-იანი წლების თბილისის ალტერნატიული სცენის ერთ-ერთი გამორჩეული ავტორ-შემსრულებელია. მისმა სიმღერებმა „ვარდო“, „კაიფში გავიპარე“, „კომპოტი“, „მიმინო“, „ბეტონი“ მყარად დაიმკვიდრეს ადგილი ქალაქის ურბანულ კულტურაში. ხანგრძლივი შემოქმედებითი პაუზის შემდეგ კი მუსიკოსი ახალი პროექტით ბრუნდება, სახელწოდებით „ონისე & ბენდი“.

„ონისე & ბენდი“ ახალი პროექტია, რომელიც მსმენელს ნაცნობი კომპოზიციების სრულიად ახალ, უფრო ღრმა და ექსპრესიულ ჟღერადობას სთავაზობს. ეს არის მუსიკალური დაბრუნება, რომელიც აერთიანებს ალტ-პოპს, dark cabaret-სა და neo-gypsy მიმდინარეობებს.

ბენდის წევრები არიან: ონისე (ვოკალი, აკუსტიკური გიტარა), ეკა ვარდიაშვილი (კლავიში), ავთანდილ ირემაშვილი (ელექტრო გიტარა), ლევან „მაჩვი“ მიქაბერიძე (ბასი), სანდრო ფოცხიშვილი (დრამი).

ბილეთები შეიძინეთ ბმულზე.