21 Savage-ის მომდევნო ალბომი მზადაა და ის 2026 წლამდე გამოვა. არტისტმა 8 დეკემბერს განაცხადა, რომ მისი ალბომი – What Happened to the Streets? – 12 დეკემბერს გამოიცემა.
21 Savage-მა ინსტაგრამზე გამოაქვეყნა შავ-თეთრი ტრეილერი, რომელიც ალბომის ანონსით დასრულდა. თიზერი ასახავს ადამიანს, რომელიც ბნელ ჩიხებში მიდის და ის თითქოს სნაიპერებით შეიარაღებული პირების ჯგუფის სამიზნეა. ეს ყველაფერი კი ორკესტრის ჟღერადობის ფონზე ვითარდება.
21 Savage-ის არაერთი კოლეგა აღფრთოვანებული იყო იმის გაგებით, რომ რეპერი ახალი ალბომით ბრუნდება. ანონსს გამოეხმაურნენ ისეთი არტისტები, როგორებიც არიან: Conway the Machine, G Herbo, DJ Khaled, Zaytoven და Honorable C.N.O.T.E.
Apple Music-ის ოფიციალური ინფორმაციის თანახმად, ალბომი 14 სიმღერას მოიცავს, რომელთაგან აქამდე არცერთი გამოშვებულა. 21 Savage-ისათვის 2025 წელი აქტიური არ იყო, მაგრამ ნოემბერში Summer Walker-ის ტრეკში – Get Yo Boy – სტუმრის სტატუსით გამოჩნდა. 21 Savage-ის ბოლო ალბომი American Dream 2024 წლის იანვარში Billboard 200-ის სათავეში მოხვდა. ეს პროექტი 21-ისთვის მეოთხე იყო, რომელმაც ალბომების ჩარტების მწვერვალს მიაღწია და მას Billboard Hot 100-ში კიდევ 14 ჩანაწერი მოუტანა.
ნახეთ What Happened to the Streets?-ის თიზერი:
