ალექს უორენი 2025 წელს Billboard-ის საუკეთესო ახალი შემსრულებლის ტიტულით ასრულებს. ამავე წელს 25 წლის მომღერალმა და კომპოზიტორმა Billboard Hot 100-ის ყოველკვირეული სიმღერების ჩარტში პირველად, სიმღერით Ordinary პირველი ადგილი დაიკავა. ჰიტი, რომელიც ათი კვირის განმავლობაში ლიდერ პოზიციაზე იმყოფებოდა, ალბომ You’ll Be Alright, Kid-ში შედის. თავად ალბომი კი Billboard 200-ის ალბომების ჩარტში პირველად საუკეთესო ათეულში შევიდა და აგვისტოში მეხუთე ადგილი დაიკავა.
გაეცანით Billboard-ის 2025 წლის ბოლო ჩარტებს
წლის ბოლოს საუკეთესო ახალი შემსრულებლების კატეგორიის გამარჯვებულთა შორის არიან: ჩაპელ როუნი (2024), ზაკ ბრაიანი (2023), Latto (2022), ოლივია როდრიგო (2021) და როდი რიჩი (2020).
2025 წლის ჩარტებში (რომელიც 2024 წლის 26 ოქტომბრიდან 2025 წლის 18 ოქტომბრამდე პერიოდს მოიცავდა), Billboard Hot 100-ის ყოველკვირეულ ჩარტში უორენის ხუთი ჰიტი შევიდა. გარდა Ordinary-სა, სიაში მოხვდა სიმღერები: Burning Down, Bloodline (Jelly Roll-თან ერთად), On My Mind (ROSÉ-სთან ერთად) და Eternity.
წლის ბოლოს Billboard Hot 100-ის სიმღრების ჩარტში Ordinary მე-7 ადგილზეა. Billboard 200-ის ალბომების ჩარტში კი You’ll Be Alright, Kid წლის განმავლობაში 26-ე ადგილით პოზიციონირებს.
Billboard-ის წლის ბოლო მუსიკალური შეჯამებები საერთო მაჩვენებლების მონაცემებს წარმოადგენს, სადაც თითოეული არტისტის, სიმღერის, ლეიბლისა და მუსიკალური კონტრიბუტორის მონაცემებია თავმოყრილი – 2024 წლის 26 ოქტომბრიდან 2025 წლის 18 ოქტომბრის ჩათვლით.
Luminate-ზე დაფუძნებული მონაცემები კვირის განმავლობაში ჩარტში მყოფი ალბომის ექვივალენტურ ერთეულებს, რადიოეთერს, გაყიდვებსა და სტრიმინგებს ითვლის. აღსანიშნავია, რომ ჩარტის მიღმა აქტივობა ამ რეიტინგებში არ შედის.
საუკეთესო ახალი არტისტების კატეგორია წლის საუკეთესო შემსრულებლებს აფასებს და ის Billboard 200-ისა და Billboard Hot 100-ის ჩარტებში აქტივობას, ასევე 2025 წლის მონიტორინგის პერიოდში Billboard Boxscore-ის (ტურნე) მონაცემებს ეფუძნება.
