მომღერალსა და რეპერ ნიკი ნიკოლს 2025 წელს სამსახიობო დებიუტი ჰქონდა. მან მონაწილეობა მიიღო „ნეტფლიქსის” Envidiosa-ს მესამე სეზონში, სადაც ახალგაზრდა არქიტექტორ მარტინა ვასკესის როლს ასრულებს.
რომანტიკული კომედიის ჟანრის სერიალი, რომელიც „ნეტფლიქს არგენტინას” ორიგინალური პროდუქციაა, ასახავს 39 წლის ვიკის რთულ ცხოვრებას – მარტოხელა, ქაოსური პერსონაჟის, რომელიც იაზრებს, რომ მის დაუცველობას ის კრიზისიდან კრიზისამდე, საბოლოოდ კი ფსიქოთერაპიის ყოველკვირეულ სესიემაბდე მიჰყავს.
ამ სეზონში ვიკი ბედნიერი და შეყვარებული ჩანს, არქიტექტორის კვალიფიკაციით, თუმცა ამჯერად სამსახურის პოვნა უჭირს. სწორედ ასე ხვდება ის მარტინას (ნიკოლს).
„ჩემთვის სიმღერა და მსახიობობა ორი სამყაროა, რომლებიც ერთმანეთისგან სრულიად განსხვავებულად მეჩვენებოდა, მაგრამ, რეალურად, ისინი ძალიან ჰგავს ერთმანეთს – განსაკუთრებით, თუ ამის კეთება მოგწონს,” – ეუბნება ნიკი „ბილბორდს” თავის სამსახიობო დებიუტზე. „სანამ პირველად ვითამაშებდი, მეშინოდა, რომ კარგად არ გამომივიდოდა და ცოტა თავს ვიკავებდი, რომ ჩემი თავი მიმეშვა. გარდა იმისა, რომ უნდა შეასრულო ის, რაც სცენარში წერია, ასევე უნდა ისიამოვნო და შენი თავი მიუშვა. მაგრამ გუნდმა ეს პროცესი ძალიან გამიმარტივა და მართლაც დიდი სიამოვნება მივიღე.”
ნიკოლის პერსონაჟი სიუჟეტში შემოდის, როგორც დადებითი და მოკრძალებული ახალგაზრდა ქალი, რომელიც სწორედ იმ მომენტში აკეთებს განაცხადს სამსახურში აყვანაზე, როცა თავად ვიკი. მარტინა არ არის რიგითი კანდიდატი – ის ქალაქის ერთ-ერთი ყველაზე ცნობილი არქიტექტორის შვილიშვილია, რაც იმთავითვე ართულებს საქმეს ვიკისთვის. მისი კვალიფიკაციისა და რწმენის მიუხედავად, რომ იმსახურებს ამ პოზიციას, ვიკის ეშინია მარტინას ოჯახური ძალაუფლებისა და ახალგაზრდული ენერგიის. მოგვიანებით კი ისინი დამეგობრდებიან და მარტინა ვიკის ასისტენტი ხდება.
უკვე Envidiosa-ს დიდი ფანი, ნიკოლი მაყურებელს მიანიშნებს, რომ მომავალ სეზონებში ვირტუდესისგან „რაღაც კარგს” უნდა ელოდონ. თუმცა მას ვიკის თერაპევტისთვის ერთი რჩევაც აქვს: „ცოტა მეტი სიმკაცრე უნდა გამოიჩინოს მის მიმართ.”
