ჯანსუღ კახიძის სახელობის თბილისის მუსიკალურ-კულტურულ ცენტრში 28 დეკემბერს საახალწლო კონცერტი გაიმართება, სადაც თბილისის სიმფონიურ ორკესტრს მაესტრო ვახტანგ კახიძე უდირიჟორებს.
საახალწლო პროგრამა მუსიკალური მრავალფეროვნებით გამოირჩევა, სცენაზე გაჟღერდება კლასიკური მუსიკისა და მსოფლიო კინომუსიკის საუკეთესო შედევრები. საღამოს კი წარდგებიან სოლისტები: გიორგი კოვალევი (ალტი), ალექსეი სოლონოვიჩ–ღვამიჩავა (ჩელო) და გიორგი ონიანი (დოლი).
საახალწლო კონცერტის განმავლობაში შესრულდება ჯორჯ ბიზეს, ჯონ უილიამსის, ჯეიმს ჰორნერის, ჰანს ციმერის, ნიკ გლენ-სმიტის, ენიო მორიკონესა და კლაუს ბადელტის ლეგენდარული კინომუსიკა, რომელიც მაყურებელს საყვარელი ფილმების ემოციებს კიდევ ერთხელ გაუცოცხლებს.
პროგრამის განსაკუთრებულ ნაწილს კი ვახტანგ კახიძის საავტორო ნაწარმოებები შეადგენს: „მთვარის ცეკვები“ – ჩელოსა და ორკესტრისთვის, „ბრუდერშაფტი“ – ალტის, ფორტეპიანოსა და სიმებიანი ორკესტრისთვის და „დიმპიტაური“ – დოლისა და სიმფონიური ორკესტრისთვის.
მაესტრო ვახტანგ კახიძის ხელმძღვანელობით თბილისის სიმფონიური ორკესტრის საახალწლო კონცერტი წლის დასასრულს მსმენელს განსაკუთრებულ და ემოციებით სავსე საღამოს ჰპირდება, სადაც კლასიკური ნაწარმოებები და მსოფლიო კინომუსიკა ერთ სცენაზე გაჟღერდება.
ბილეთების შეძენა შესაძლებელია biletebi.ge-ის პლატფორმაზე.
