შობის სასწაული იმ გულწრფელ მომენტებში იბადება, როცა ერთმანეთს სითბოს ვუზიარებთ, მუსიკა კი ხელოვნების ის დარგია, რომელიც საშობაო განწყობასა და ემოციას ზუსტად გადმოსცემს. სწორედ ასეთი ელფერი აქვს თბილისის სახელმწიფო კონსერვატორიის სტუდენტური გუნდისა და ბარბარე მორგოშიას ერთობლივ ნამუშევარს, რომელსაც სოციალურ ქსელში „ლოკო პარკი” აქვეყნებს.
კომპოზიცია ორი სიმღერისგან შედგება: 12 წლის ბარბარე მორგოშია ქართულ ტრადიციულ „ალილოს” ასრულებს, რომლის შემდეგაც მას კონსერვატორიის სტუდენტური გუნდი უერთდება მსოფლიო ჰიტით Let It Snow.
გუნდის მრავალხმიანობა და ბარბარეს ნაზი ვოკალი ერთმანეთს ჰარმონიულად ერწყმის და მსმენელს ნამდვილ საშობაო ზღაპარში ამოგზაურებს.
ვიდეოკლიპი „ლოკო პარკის” საავტორო პროდუქტია და სწორედ მის სივრცეშია გადაღებული. მუსიკალურ ნაწილთან ერთად განსაკუთრებულ გარემოს ქმნის საშობაო განათებებით მორთული ძველი ელმავლები, რაც ნამუშევარს გამორჩეულ ვიზუალურ ესთეტიკასა და თბილ, ნოსტალგიურ განწყობას მატებს.
ნახეთ ვიდეოკლიპი:
