A$AP Rocky-ს სინგლი Punk Rocky და მისი ვიდეოკლიპი ორშაბათს, 5 იანვარს გამოვიდა. თავად როკის, ფოლკრეტ ვერდორნისა და საიმონ ბეკსის თანარეჟისორობით შექმნილი კლიპი კიდევ უფრო აფართოებს ჰარლემში დაბადებული არტისტის შემოქმედებით საზღვრებს.
მაშინ, როცა თავად სიმღერა, Sundress-ის მსგავსად, უფრო მსუბუქი ინდი-როკია, მის ვიზუალს პანკ-როკის ქაოსი შემოაქვს. როკი საკუთარ ავტოფარეხში ხმაურიან წვეულებას მართავს, სადაც მეზობელ გოგონას ხვდება, რომლის როლსაც უაინონა რაიდერი ასრულებს.
ამ დროს კი ავტოფარეხში ათლეტური აღნაგობის გაბრაზებული მამაკაცი შევარდება და როკისა და მის მეგობრებს (რომლებიც ერთგვარ რეფერენსებს წარმოადგენენ არტისტის წინა პროექტების: TESTING, Babushka Boi და RIOT) ფიზიკურად უსწორდება.
ვარდისფერი ბიგუდებითა და შეშუპებული თვალით, რეპერს პოლიციის მანქანაში სვამენ და ციხეში მიჰყავთ. საბედნიეროდ, მას და მის მეგობრებს ვიღაც გირაოს უხდის და წვეულებაც გრძელდება. ვიდეოს ბოლოს როკი ანგარიშის გასწორებას ცდილობს და ათლეტურ მამაკაცს ქუჩაში იარაღით ხელში მისდევს. მისი მისამართით რამდენიმე გასროლის შემდეგ კი ხელბორკილებით კვლავ პოლიციის მანქანაში აღმოჩნდება, საიდანაც თავის დასაღწევად ის სანთებელას იყენებს, როგორც ამას 2 Fast 2 Furious-ში ტაირის გიბსონი აკეთებს.
პრესრელიზის მიხედვით, Punk Rocky-ს ვიდეოკლიპში წარმოდგენილია ექვსიდან ხუთი ალტერ ეგო, რომლებიც არტისტის მომავალ ალბომში Don’t Be Dumb არის გამოყენებული. „თავად როკი განასახიერებს GR1M-ს, ტომი რივენჯი – RUGAHAND-ს, Thoto – BABUSHKA BOI-ს, ხოლოდ ტყუპი უილიამსები SHIRTHEAD-სა და DUMMY-ს.”
Punk Rocky არტისტის მომავალი ალბომის პირველი სინგლია. Don’t Be Dumb, რომელსაც ფანები 2018 წლიდან ელოდებიან, 16 იანვარს გამოვა.
ნახეთ Punk Rocky-ს ვიდეოკლიპი:
