სემ ლევინსონის სარეჟისორო ნამუშევარი, HBO Max-ის სერიალი Euphoria მესამე სეზონით ბრუნდება. სერიალის ტრეილერი ოფიციალურად 14 იანვარს გამოქვეყნდა, ფინალურ სეზონში ზენდაიას პერსონაჟი რუ და Euphoria-ს სხვა გმირები უკვე ნამდვილად აღარ არიან სკოლის მოსწავლეები – მოქმედება სკოლის დამთავრებიდან ხუთი წლის შემდეგ ვითარდება.
ორწუთიანი ვიდეო ზენდაიას მონოლოგით იწყება. ის ნარკოტიკებს ყიდის და თავის ყოფილ დილერს ემალება, რომელიც საბოლოოდ მაინც პოულობს.
თრეილერი გვაცნობს სხვა პერსონაჟებთან დაკავშირებულ სიახლეებსაც, მაგალითად ჯეიკობ ელორდის ნეიტი და სიდნი სვინის კესი ქორწინდებიან.
Euphoria-ს მესამე სეზონი 12 აპრილს გამოვა. წინა სეზონის პრემიერა ოთხი წლის წინ შედგა. BBC News-ის ცნობით, ლევინსონმა ფინალური სეზონის სიუჟეტზე ისაუბრა და გაამხილა, რომ „კესი ნეიტთან ერთად გარეუბანში ცხოვრობს, კესი ძლიერ არის დამოკიდებული სოციალურ მედიაზე და ყოფილი თანაკლასელების ცხოვრების შურს. ლევინსონმა ასევე თქვა, რომ ალექსა დემის გმირი – მედი ჰოლივუდში, ტალანტების სააგენტოში მუშაობს, ხოლო ლექსი პროდიუსერის ასისტენტია.
მთავარი მსახიობების გარდა, სერიალის მესამე სეზონში მუსიკოსი დომინიკ ფაიქიც დაუბრუნდება ეპიზოდურ როლს. გარდა ამისა, შოუს ფინალურ სეზონში ესპანელი სუპერვარსკვლავის და Billboard-ის ბოლო ყდის გმირის – როსალიას დებიუტი შედგება.
ნახეთ Euphoria-ს მესამე სეზონის ახალი ტრეილერი:
