Bedford Falls-მა ახალი სიმღერა, სახელწოდებით „ამოდი“ და მასზე გადაღებული მუსიკალური ვიდეო გამოაქვეყნა. სიმღერა ბენდის დაანონსებულ ალბომში, Lazy Bones-შია შესული. ჯგუფმა მომავალი ალბომიდან კიდევ ორი ტრეკი გამოაქვეყნა: 9 დეკემბერს პირველი სინგლი – AMBROSIA გამოვიდა, 23 დეკემბერს კი მეორე კომპოზიცია – UCNAURI.
ახალი კლიპის რეჟისორები ბენდის ვოკალისტი დათო ჯიქია და ზუკა გეწაძე არიან. საოპერატორო ნამუშევარიც ასევე ზუკა გეწაძეს ეკუთვნის.
2025 წლის დეკემბერში Bedford Falls ჟურნალ Billboard Georgia-ს რედაქტორის წარდგენით გლობალურ Billboard-ზე მოხვდა. მსოფლიოში ყველაზე გავლენიანი მუსიკალური ჟურნალის მეშვეობით ქართული ჯგუფი მრავალმილიონიანმა აუდიტორიამ გაიცნო.
Bedford Falls-მა ახალი პროექტის ანონსი 2025 წლის ნოემბერში გააკეთა. ალბომი Lazy Bones ლეიბლ Stockton Records-ზე გამოიცემა.
