დამოუკიდებელი არტისტითვის მუსიკის გავრცელება შესაძლოა რთული პროცესი იყოს. მართალია, არსებობს ისეთი პლატფორმები, როგორებიცაა Soundcloud, Bandcamp და იუთუბი, თუმცა თუ გსურთ თქვენი შემოქმედების უფრო დიდ პლატფორმებზე გავრცელება, როგორებიცაა Apple Music, „სპოტიფაი” ან Tidal, ეს მხოლოდ ატვირთვის ღილაკზე თითის დაჭერით არ ხდება. თქვენმა მუსიკამ რომ უფრო ფართო აუდიტორიამდე მიაღწიოს, აქ არის ყველაფერი, რაც დამოუკიდებელმა არტისტმა უნდა იცოდეს.
ლეიბლის არტისტის შემთხვევაში, ამ ყველაფერზე თავად ლეიბლი ზრუნავს, მაგრამ თუ დამოუკიდებელი არტისტი ხართ და გსურთ მუსიკის მთავარ პლატფორმებზე გავრცელება, ამის გაკეთება მესამე მხარის გავლით მოგიწევთ. ისეთი საიტის მეშვეობით, როგორიცაა DistroKid, თქვენი მუსიკის ატვირთვის პროცესი ბევრად გამარტივდება.
სამუშაოს უმეტეს ნაწილს პლატფორმა თქვენ ნაცვლად გააკეთებს: გაგზავნის ტრეკებსა და ალბომებს მთავარ სტრიმინგ პლატფორმებზე, ავტომატურად დაამატებს მეტამონაცემებსა და სიმღერების კრედიტებს, დაგეგმავს გამოცემის თარიღებს და ატვირთავს იმდენ ტრეკს, რამდენიც გსურთ. ამ ყველაფრის პარალელურად კი მოგების 100%-ც თქვენ დაგრჩებათ.
ახლახან კი DistroKid-მა ფანებთან პირდაპირ საკომუნიკაციო პლატფორმა დაამატა, სახელწოდებით DistroKid Direct. მისი მეშვეობით დამოუკიდებელ არტისტებს შეუძლიათ გააკეთონ ონლაინ მარკეტი და ფანებს თავიანთი მერჩენდაიზი პირდაპირ მიჰყიდონ. საუკეთესო ნაწილი კი ის არის, რომ ამ შემთხვევაშიც შემოსავლის 100% არტისტს ეკუთვნის.
როგორ გაავრცელოთ თქვენი მუსიკა „სპოტიფაისა” და Apple Music-ზე?
DistroKid გვთავაზობს წევრობის სხვადასხვა პაკეტს განსხვავებული უპირატესობებით:
პაკეტი Musician 2.08 დოლარი ღირს და გთავაზობთ ულიმიტო ატვირთვებს, სიმღერის ტექსტებს „გუგლში”, ვერიფიკაციის ნიშანს „სპოტიფაიზე” და ჰონორარის განაწილებას.
Musician Plus პაკეტი, რომელიც 3.75 დოლარი ღირს, მოიცავს ზემოთ ჩამოთვლილ ყველა ფუნქციას და დამატებით Apple Music-ის სინქრონიზებულ ტექსტებს, ყოველდღიურ სტრიმინგ სტატისტიკას, გამოცემის თარიღების დაგეგმვასა და iTunes-ის ფასების რეგულირებას.
Ultimate ყველაზე ძვირადღირებული პაკეტია. თვეში 7.50 დოლარად ის არტისტს სთავაზობს აიფონის აპლიკაციაზე უფასო წვდომას, ერთი ტერაბაიტის მოცულობის ფაილების გაზიარებასა და ათასობით პლეილისტის საკონტაქტო ინფორმაციის დამატებას.
ნებისმიერი პაკეტის არჩევის შემთხვევაში არტისტს ეძლევა თავისუფლება იმაზე, თუ როგორ და როდის გაავრცელებს თავის მუსიკას. ხოლო როცა საქმე შემოსავალზე მიდგება, Distrokid ავტომატურად გაყოფს ჰონორარს ყველა მონაწილეზე, იქნება ეს პროდიუსერი, სიმღერის ავტორი თუ თავად არტისტი, რათა უზრუნველყოს პროექტში ჩართული ყველა მხარის სამართლიანი ანაზღაურება.
დარეგისტრირებისა და პაკეტის არჩევის შემდეგ ატვირთვის, გაზიარებისა და გავრცელების ყველა ინსტრუმენტი თქვენს ხელთ იქნება. ასე რომ, თუ თქვენი აუდიტორიის გაზრდა გსურთ, DistroKid ამისთვის იდეალური საშუალებაა.
