ბრიტნი სპირსის და მადონას ცნობილი კოცნიდან, რომელიც აუდიტორიამ 2003 წლის MTV Video Music Awards-ზე იხილა, უკვე 23 წელი გავიდა. 18 იანვარს, ინსტაგრამზე გამოქვეყნებულ პოსტში სპირსმა გააზიარა კადრი მადონას 2003 წლის ფოტოსესიიდან, რომელიც ფოტოგრაფ სტივენ კლაინის მიერ არის გადაღებული.
„შინაგანი მხეცი… მე მას „სულიერი ცხოველის“ გაღვიძებას ვუწოდებ. დიდი ხანია, ასე ვცხოვრობ… ველურ მხარეს სხვებზე უკეთ ვიცნობ! მაგრამ, გულწრფელად რომ ვთქვათ, იმ ნიღბებს მიღმა, რომლებსაც ყოველდღე ვირგებთ, ყველანი ერთნაირები ვართ. მოწყვლადობა, სისუსტე, სიგიჟე, უდანაშაულობა… და იქვეა დაბნეულობა, დეპრესია, უდიდესი ტკივილი და ბრაზიც… საკუთარ ფიქრებში ჩაკეტვა,“ – დაწერა სპირსმა.
მთავარი, რაც მას სურდა ეთქვა, მადონასადმი მისი სიყვარულის და პატივისცემის გამოხატვა იყო. „ეს ფოტო ნათლად გადმოსცემს მესიჯს – ნუ გააბრაზებთ მას,“ – დაწერა ბრიტნიმ პოპვარსკვლავის შთამბეჭდავ ფოტოზე. „მადონას ვაღმერთებ. ჩემთვის ის მისაბაძი მაგალითია. ბრძენი, წარმოუდგენლად ძლიერი, ამავდროულად ნაზი და გენიალური. კიდევ ერთხელ… ნუ გააბრაზებთ მას!!!“
2026 წლის დასაწყისში სპირსმა განაცხადა, რომ აშშ-ში ტურნეებს აღარ გეგმავს. შვიდ წელზე მეტი გავიდა მას შემდეგ, რაც მან Piece of Me-ს გლობალური ტურნე დაასრულა. სპირსმა სოციალურ ქსელში გააზიარა ფოტო არქივიდან – კადრში ის თეთრი პიანინოს სკამზე ზის
„წელს ამ პიანინოს ჩემს შვილს ვუგზავნი!!!“ – დაწერა მან. „აშშ-ში აღარასდროს გამოვალ სცენაზე, უკიდურესად სენსიტიური მიზეზების გამო,“ – განაცხადა სპირსმა მიზეზების დაკონკრეტების გარეშე და მიანიშნა, რომ მომავალში შესაძლოა უცხოელ გულშემატკივრებს შეხვდეს.
