ქართულმა პოსტ-პანკ ჯგუფმა SKAZZ ახალი სინგლი Tkve. გამოაქვეყნა, რომელსაც თან ჯგუფის ესთეტიკისა და ხასიათის მქონე ვიდეო ახლავს.
Tkve. ერთგვარად იმ მუსიკალური ხაზის გაგრძელებაა, რომელიც ბენდმა ბოლოს გამოცემულ ალბომში MAXE ჩამოაყალიბა. ალბომი სექტემბრის დასაწყისში გამოვიდა და მასში რვა კომპოზიციაა გაერთიანებული.
ქუთაისში დაარსებული პოსტ-პანკ ჯგუფი SKAZZ საბა ვაშაყმაძისა და ნოდო კუპრავას მიერ ჩამოყალიბებული პროექტია, რომელიც დღესდღეობით თანამედროვე ქართული პანკ-სცენის ერთ-ერთი გამორჩეული წარმომადგენელია.
მოისმინეთ SKAZZ-ის ახალი სიმღერა Tkve.
