20 იანვარს ფარელ უილიამსმა Louis Vuitton-ის 2026 წლის შემოდგომა-ზამთრის მამაკაცის კოლექცია წარადგინა და ჩვენების საუნდტრეკში აქამდე გამოუქვეყნებელი ტრეკებიც გამოიყენა. შოუზე პირველად გაჟღერდა A$AP Rocky-ს, Quavo-ს, ჯექსონ ვენგის, Pusha T-ის და ჯონ ლეჯენდის ნამუშევრები.
მამაკაცის ხაზის კრეატიული დირექტორის ამპლუაში ფარელი თავადვე იყო ჩვენების კურატორიც და გამოყენებული კომპოზიციების პროდიუსერიც. მოდელები ბალახით დაფარულ ეზოში მოწყობილ პოდიუმზე გამოდიოდნენ. შოუ გაიხსნა ჯონ ლეჯენდის და ფარელის კოლაბორაციით – Pray for Ya, შემდეგ კი ჩინელი რეპერის – ჯექსონ ვენგის ფუტურისტული პოპ-ტრეკი გაჟღერდა, რომელშიც Pusha T მონაწილეობს.
A$AP Rocky კი ფარელს ტრეკში Disturbing the P უერთდება და აგრძელებს იმ ენერგეტიკას, რომელიც მისმა ახალმა ალბომმა – Don’t Be Dumb-მა შექმნა. მის პარტიაში იუმორისტული მინიშნებაც გვხვდება 8 Mile-ში ემინემის მოწინააღმდეგე Papa Doc-ზე.
შოუს ფარგლებში ფარელმა ასევე წარადგინა Quavo-ს ახალი ტრეკი, სახელწოდებით Hit-A-Lik.
ნახეთ Louis Vuitton-ის შოუ:
