A$AP Rocky-მ კარიერის განმავლობაში მოპოვებული ტოპ 10-ეულების რაოდენობა Billboard-ის Hot R&B/Hip-Hop Songs ჩარტში ორჯერ გაზარდა, Helicopter-ის და Stay Here 4 Life-ის ერთობლივი წარმატების წყალობით.
ორივე ტრეკი რეპერის ახალ ალბომში, Don’t Be Dumb-ში შედის. აღსანიშნავია, რომ ეს ნამუშევარი 31 იანვრის მონაცემებით პირველ ადგილზეა, როგორც საუკეთესო R&B/Hip-Hop ალბომების ჩარტში, ისე Billboard 200-ის რეიტინგში.
Stay Here 4 Life – Hot R&B/Hip-Hop Songs-ის ჩარტში მე-7 პოზიციაზეა, ხოლო Helicopter-მა ჩარტში ყოფნის მეორე კვირას 29-ე ადგილიდან მე-8 პოზიციაზე გადაინაცვლა. A$AP Rocky-სთვის ეს კარიერაში მესამე და მეოთხე ტოპ 10 ჰიტია.
რეპერი საუკეთესო ათეულში პირველად 2013 წლის თებერვალში, სიმღერით F**kin Problems (Drake-ის, 2 Chainz-ისა და Kendrick Lamar-ის მონაწილეობით) მოხვდა, რომელმაც მე-2 პოზიცია დაიკავა. მოგვიანებით ის ჩარტში 2018 წლის იანვარში დაბრუნდა, როდესაც Cardi B-სთან ერთად G-Eazy-ს ჰიტში, No Limit-ში გამოჩნდა, რომელმაც ასევე მეორე ადგილი დაიკავა.
მიწვეული არტისტი Brent Faiyaz-ისთვის სიმღერა Stay Here 4 Life მისი მეორე ტოპ 10-ში შესული ტრეკია. მისივე სიმღერა All Mine – 2022 წლის ივლისში ჩარტში მე-10-ე ადგილზე პოზიციონირებდა.
A$AP Rocky-ს ახალი ჰიტები წინ უძღვის ალბომ Don’t Be Dumb-ის ჩარტში შესულ 11 კომპოზიციას. ამ წარმატების წყალობით, რეპერმა კარიერის განმავლობაში ჩარტებში მოხვედრილი ზუსტად 50 კომპოზიცია დააგროვა. რეპერმა ეს გზა 2012 წლის 28 იანვარში მისი სადებიუტო სინგლით Peso დაიწყო, რომელიც რეიტინგში 98-ე ნომრად გამოჩნდა.
გთავაზობთ A$AP Rocky-ს მიმდინარე კვირის შედეგებს:
N7 – Stay Here 4 Life (feat. Brent Faiyaz)
N8 – Helicopter
N11 – Stole Ya Flow
N16 – Order of Protection
N18 – Playa
N20 – Stop Snitching (feat. Bossman Dlow & Sauce Walka)
N22 – No Trespassing
N25 – Don’t Be Dumb / Trip Baby
N28 – Air Force (Black Demarco)
N31 – Whiskey (Release Me) (feat. Gorillaz & Westside Gunn)
N39 – STFU (feat. Slay Squad)
ამასთანავე, ალბომ Don’t Be Dumb-ის 11 კომპოზიცია Billboard Hot 100-ში შევიდა, რითაც ყველა ჟანრის ჩარტში A$AP Rocky-ს კარიერული ჩანაწერების რაოდენობა 34-მდე გაიზარდა. ყველაზე წარმატებული ტრეკები კი აქაც Stay Here 4 Life და Helicopter-ია.
