11 თებერვალს Circus Mircus-მა ახალი EP გამოსცა. ჩანაწერი, სახელწოდებით Akhalteke, ოთხ სიმღერას აერთიანებს. დღეს კი ჯგუფმა პროექტის პირველი სინგლი I’m A Man და მასზე გადაღებული ვიდეოკლიპიც გააზიარა. „ჩვენი ახალი EP-ის ¼,” – ვკითხულობთ აღწერაში. მთელი ვიდეო ერთ უწყვეტ, სტატიკურ კადრს წარმოადგენს. მოქმედება რესტორნის სამზარეულოში ვითარდება, სადაც პერსონალის ჩვეული სამუშაო დღე მიმდინარეობს. Circus-Mircus-ის სოლისტი ნიკა კოჩაროვი კი – რომლის ჩაცმულობითაც შეიძლება ვივარაუდოთ, რომ ის ხელმძღვანელ პირს განასახიერებს – მათ კუთხიდან ადევნებს თვალს.
რაც შეეხება EP-ს, ჯგუფის აღწერით, „Akhalteke არის კონცეპტუალური ალბომი, რომელიც დაფუძნებულია თურქმენეთის ყოფილ პრეზიდენტს, გურბანგული ბერდიმუჰამედოვსა და ახალტეკეს ჯიშის ცხენს შორის არსებულ ფიქტიურ, სპეკულაციურ რომანზე.” როგორც ცნობილია, თურქმენეთის ყოფილ ლიდერს განსაკუთრებული სიყვარული აქვს ახალტეკური ჯიშის ცხენის მიმართ, რომელიც ქვეყნის კულტურის ეროვნულ სიმბოლოდაა მიჩნეული.
მოუსმინეთ ალბომს Akhalteke:
