გიორგი თორაძემ, სასცენო სახელით –Torcho, ახალი სიმღერა და მასზე გადაღებული კლიპი გამოუშვა. „შენთან ყოფნა” – ასე ჰქვია სიმღერას, რომლის ტექსტი და მუსიკა Torcho-ს და მარი შარმანს ეკუთვნით.
Torcho-მ სოლო კარიერა 2024 წელს დაიწყო, როდესაც მსმენელს სადებიუტო ნამუშევარი – Karma და მასზე გადაღებული ვიდეოკლიპი წარუდგინა. მოგვიანებით, მომღერალმა კიდევ ერთი ვიდეოკლიპი – „გეწყინა?!“ გამოუშვა, 2025 წლის ბოლოს კი მორიგი სიმღერა და კლიპი „მინდა მინდა მინდა“ წარადგინა. 2026 წელი არტისტმა სიმღერითა და კლიპით „ტაქსი” დაიწყო.
2026 წლის იანვარში Torcho-ს კომპოზიცია, სახელწოდებით „გეწყინა?!” გაჟღერდა Apple TV+-ის მხატვრულ სერილში – DROPS OF GOD. სერიალი ღვინის კულტურის შესახებ მოგვითხრობს, მისი ახალი ეპიზოდების ნაწილი კი საქართველოშია გადაღებული.
