ნანკა გვარმა ახალი სიმღერა, სახელწოდებით „სული სულს“ გამოუშვა. ტექსტი თავად არტისტს ეკუთვნის, მუსიკის ავტორი კი სანდრო ბიბიჩ კვაჭაძე, რომელმაც ასევე არანჟირებაზეც იმუშავა. სინგლი უკვე ხელმისაწვდომია YouTube-სა და მუსიკალურ სტრიმინგ პლატფორმებზე. სიმღერის გარეკანის დიზაინი ანა სარაჯიშვილს ეკუთვნის.
ნანკა გვარი მსმენელმა, როგორც სოლო შემსრულებელი, 2020 წელს გაიცნო, როდესაც მან სიმღერა „ისევ შენ“ და მასზე გადაღებული მუსიკალური ვიდეო წარადგინა. მოგვიანებით არტისტმა კიდევ ერთი ნამუშევარი – GANGAN გამოუშვა. 2024 წელს კი მომღერალმა კომპოზიცია „202“ წარადგინა. იმავე წელს მან კიდევ ერთი სინგლი – „სიყვარულის მინდორი“ გამოსცა.
