YUNGBLUD პირველად Billboard-ის Alternative Airplay-ს ჩარტში N1 ადგილს იკავებს. უახლესი რეიტინგის მონაცემებით, სიმღერამ Zombie ლიდერ პოზიციას მიაღწია.
ამ ჩარტში YUNGBLUD მეათედ გამოჩნდა, თუმცა პირველობა არტისტს სწორედ ამ სიმღერამ მოუტანა. Alternative Airplay ჩარტში მუსიკოსი პირველად 2018 წელს სიმღერით I Love You, Will You Marry Me (26 ადგილი) მოხვდა, ხოლო აქამდე მისი საუკეთესო შედეგი სიმღერა Fleabag იყო, რომელმაც 2022 წელს მეექვსე ადგილი დაიკავა.
დომინიკ ჰარისონი, რომლის სასცენო სახელია YUNGBLUD, მეორე არტისტია, რომელიც 2026 წელს Alternative Airplay ჩარტის სათავეში კარიერის განმავლობაში პირველად მოხვდა, ჯგუფ The Paradox-ის შემდეგ (სიმღერა Get the Message). 2025 წელს ჩარტის ლიდერი პოზიცია პირველად დაიკავა ათმა არტისტმა, რაც ყველაზე მაღალი მაჩვენებელია 1997 წლის შემდეგ.
ამავდროულად, სიმღერა Zombie საკუთარ პოზიციას აუმჯობესებს და Rock & Alternative Airplay ჩარტში მე-6 ადგილს იკავებს. 12 თებერვლით დასრულებულ კვირაში სიმღერას 3.5 მილიონი მსმენელი ჰყავდა, რაც Luminate-ის მონაცემებით, გასულ კვირასთან შედარებით 3%-ით მეტია.
YUNGBLUD-ის წინა რეკორდი ამავე ჩარტში ლეგენდარულ ჯგუფ Aerosmith-თან კოლაბორაციით ჩაწერილი სიმღერა My Only Angel იყო, რომელმაც მეცამეტე ადგილი დაიკვა.
სიმღერა Zombie ასევე დაწინაურდა Mainstream Rock Airplay-ს ჩარტში და 37-დან 34-ე ადგილზე გადაინაცვლა. ეს YUNGBLUD-ის მეორე გამოჩენაა ამ სიაში – My Only Angel-ის შემდეგ, რომელმაც მე-6 ადგილს მიაღწია.
Zombie-მ 25-ე პოზიციას მიაღწია Hot Rock & Alternative Songs ჩარტში. რადიოეთერის გარდა, ამ პერიოდში სიმღერამ აშშ-ში 1.4 მილიონი ოფიციალური სტრიმი და 1 000 ციფრული ჩამოტვირთვა დააგროვა.
ეს სიმღერა YUNGBLUD-ის მეოთხე სტუდიურ ალბომში, Idols-ში შედის, რომლის დებიუტიც გასული წლის ივლისში Top Alternative Albums-ის ჩარტში მე-7 ადგილით შედგა. აღსანიშნავია, რომ YUNGBLUD-მა 2 იანვარს Zombie-ს დამატებითი ვერსია გამოსცა, სადაც ცნობილი ჯგუფი The Smashing Pumpkins მონაწილეობს.
