Bad Bunny-ს ალბომი DeBÍ TiRAR MáS FOToS Billboard 200-ის ჩარტში პირველ ადგილზე დაბრუნდა და ჯამში მეხუთე კვირაა, ლიდერობს. ეს შედეგი 28 თებერვლის კვირის მონაცემებს ეყრდნობა. ჩარტში დომინაცია მოჰყვა მის გამოსვლას 8 თებერვალს, Super Bowl-ის მუსიკალურ შოუზე. იქამდე, 1-ელ თებერვალს კი არტისტმა გრემის დაჯილდოებაზე წლის საუკეთესო ალბომის ნომინაციაში გაიმარჯვა. 19 თებერვლით დასრულებულ კვირაში ალბომმა აშშ-ში 135 000 ეკვივალენტური ერთეული დააგროვა.
Billboard 200-ის საუკეთესო ათეულში ასევე მოხვდნენ ბრენტ ფაიაზი, რომელმაც ალბომით – Icon – ტოპ 10-ში მეორედ დაიკავა ადგილი. ათეულში მე-8 ადგილზე ასევე ვხედავთ Charli xcx-ს, რომლისთვისაც ფილმ Wuthering Heights-ის საუნდტრეკები ტოპ 10-ში შესულ მესამე ნამუშევრად იქცა. რაც შეეხება თავად ფილმს, Wuthering Heights-ის რეჟისორი ემერალდ ფენელია, ხოლო მთავარ როლებს მარგო რობი და ჯეიკობ ელორდი ასრულებენ. კინოსურათი აშშ-ის კინოთეატრებში 13 თებერვალს გამოვიდა.
ტოპ 10-ში მე-9 ადგილზეა ტეილორ სვიფტის ალბომი – The Life of a Showgirl, რომელმაც გაყიდვების 50 000 ეკვივალენტური ერთეული დააგროვა.
Luminate მონაცემთა დამოუკიდებელი პროვაიდერია, რომელიც Billboard-ის ჩარტებისთვის მუშაობს და ყოველკვირეული რეიტინგების შესადგენად წარდგენილი ყველა მონაცემის საფუძვლიან სიზუსტეს უზრუნველყოფს. Billboard-თან პარტნიორობით, Luminate ამოწმებს და ადასტურებს მონაცემთა ავთენტურობას. დადგენილ კრიტერიუმებზე დაყრდნობით, საეჭვო ან დაუდასტურებელი ინფორმაცია იქამდე იშლება, სანამ ჩარტების საბოლოო შედეგები გამოქვეყნდება.
