ჰილარი დაფის ახალმა ალბომმა Luck… or Something ამ კვირას გულშემატკივრების დიდი მოწონება დაიმსახურა და Billboard-ის მუსიკალურ გამოკითხვაში პირველი ადგილი დაიკავა.
Luck… or Something სხვა ახალ მუსიკალურ რელიზებთან ერთად გამოვიდა, მათ შორის არიან მეგან მორონი, ბეიბი კიმი, SZA, Ty Dolla $ign და სხვა. ჰილარი დაფის მეექვსე სრულფორმატიანი ალბომი ბოლო ათი წლის მანძილზე არტისტის პირველი ნამუშევარია. ალბომი ჩარტებში დიდი უპირატესობით დაწინაურდა და გამოკითხვის დასრულებისას ხმების 64% შეინარჩუნა.
Atlantic Records-ის მიერ ჰილარი დაფის ალბომის გამოცემასთან ერთად ერთად, 20 თებერვალს მისი ახალი სინგლი და მუსიკალური კლიპი, სახელწოდებით Weather for Tennis გამოვიდა.
გამოცემასთან დაკავშირებით პრესრელიზში აღნიშულია: „მუდმივად არსებობს კითხვა – შეუძლიათ თუ არა ქალებს, ყველაფერს ერთდროულად გაუმკლავდნენ. ამ პროცესში მივხვდი, რომ ზოგიერთი რამ უნდა დამეთმო, რათა პრიორიტეტი ალბომზე მუშაობა ყოფილიყო. რაც არ უნდა რთული იყოს, მაინც მჯერა, რომ ზოგჯერ საკუთარი თავის არჩევა და იმის კეთება, რაც ძალიან გაშინებს, სრულიად ნორმალურია. ამდენი წლის შემდეგ ალბომის შესაქმნელად დროის გამოყოფა ჩემთვის წარმოუდგენლად დიდი ძალის მომცემი აღმოჩნდა და ახლა მოუთმენლად ველი მსოფლიოსთვის მის გაზიარებას.“
ჰილარი დაფი ამ კრებულის თანაავტორია, პროდიუსერები კი მისი მეუღლე მათიუ კომა და ბრაიან ფილიპსი არიან.
2026 წლის ზაფხულში ჰილარი დაფი ალბომის მხარდასაჭერად სრულმასშტაბიან მსოფლიო ტურნეს გამართავს. კონცერტები დაგეგმილია აშშ-ში, კანადაში, მექსიკაში, დიდ ბრიტანეთში, ირლანდიაში, ავსტრალიასა და ახალ ზელანდიაში.
Luck… or Something-ის შემდეგ გამოკითხვაში მოწინავე ადგილებს იკავებენ: მეგან მორონი Cloud Nine ხმების 14%-ით, Baby Keem-ის Ca$ino – 6%-ით და SZA-ს Save the Day 5%-ით.
