ქართველმა მუსიკოსმა ანანო სიხარულიძემ ვიდეოთამაშის, MindDoor-ის მუსიკალურ გაფორმებაზე კომპოზიტორის ამპლუაში იმუშავა. არტისტმა სიუჟეტისთვის ერთ-ერთი კომპოზიცია შექმნა. MindDoor-ის პრემიერა Cannes International Games Festival-ზე შედგა.
MindDoor-ის ეს ფრაგმენტი, სადაც აღნიშნული კომპოზიცია ჟღერს, მოთამაშეს 90-იან წლებში ამოგზაურებს. მოქმედება ვითარდება გოგონების ჯგუფის გარშემო, რომლებიც ცხოვრების გარდამტეხ ეტაპს გადიან.
„სიუჟეტი გვიყვება გოგონების ჯგუფზე, რომლებიც ასაკობრივ კრიზისს განიცდიან იქ, სადაც ოცნებების თვლასა და რეალობის შეგრძნებას შორის ზღვარი იშლება. მახსოვს ეს ასაკი, მილიონი დაკარგული სიზმარი. მუსიკით ვეცადე, გადმომეცა ის სევდა და ნოსტალგია, რაც ამ პერიოდს ახლავს. მალე ახალი ამბებით დაგიბრუნდებით!“ – ვკითხულობთ ანანო სიხარულიძის პოსტში.
