Bedford Falls ახალ სინგლს აქვეყნებს, სახელწოდებით „ყველა”. სიმღერა შესულია ჯგუფის ბოლო ალბომში LAZYBONES, რომელიც 2026 წლის მარტში გამოვიდა.
„ეს ალბომი ჩვენი ემოციური რეფლექსიაა გასულ წელზე, რომელიც გამოწვევებით სავსე იყო ყველასთვის. ახალი სიმღერები ეხება უიმედობის განცდას, აპათიასთან შეჭიდებას, გაქცევის სურვილს და ამავდროულად, ბნელ დროში იმედისა და სიყვარულის შენარჩუნებას. რაც შეეხება მუსიკალურ ნაწილს, ალბომში შევა ახალი ჟღერადობა, რომელიც მსმენელისთვის ჯერ უცხოა, თუმცა, რა თქმა უნდა, დარჩება ჩვენი სავიზიტო მუსიკაც, რომელსაც კარგად იცნობენ და უყვართ,” – აღნიშნეს ჯგუფის წევრებმა ალბომის გამოსვლამდე Billboard საქართველოსთან საუბარში.
„ყველა” LAZYBONES-იდან გამოქვეყნებული რიგით მეშვიდე სინგლია. ალბომში სულ 12 სიმღერა შედის.
