2026 წლის კოაჩელას ფესტივალიდან მიღებულ შემოსავალს მობი ცხოველთა დაცის ოთხ სხვადასხვა ორგანიზაციას შესწირავს. არნიშნული ინფორმაცია მუსიკოსმა სოციალურ მედიაში გაავრცელა.
„ჩემი ცხოვრების მთავარი საქმე ცხოველთა დამცველად მუშაობაა. ამ მიზნით კი ვიმედოვნებ, რომ კოაჩელადან მიღებულ შემოსავალსა და ჩართულობას გამოვიყენებ იმისთვის, რომ ყურადღების ცენტრში მოვაქციო და ფინანსურად დავუჭირო მხარი ცხოველთა უფლებების ორგანიზაციებს.”
მობის პირველი გამოსვლა კოაჩელას Mojave Tent-ის სცენაზე 10 აპრილს შედგა. ამავე სცენაზე ის 17 აპრილს, ფესტივალის მეორე უიკენდზეც წარდგება. კონცერტების ნახვა იუთუბის ლაივსტრიმზეცაა შესაძლებელი.
მობიმ აღნიშნა, რომ ფესტივალიდან შემოსული თანხა ცხოველთა დაცვის ოთხ ორგანიზაციას გადაეცემა, ესენია: Physicians Committee for Responsible Medicine, Humane League, Mercy for Animals და Direct Action Everywhere. მუსიკოსის თქმით, აღნიშნული ოთხი ბენეფიციარი იმ ნიშნით შეარჩია, რომ „ისინი ცხოველთა უფლებების სფეროში უნიკალურ და საინტერესო საქმეებს აკეთებენ. რეალურად, ასობით, თუ არა ათასობით, შესანიშნავი ორგანიზაცია არსებობს ცხოველთა უფლებების სფეროში, თუმცა ამჟამად მე ამ ოთხზე მსურს ფოკუსირება.”
მობი ცხოველთა უფლებების სტაჟიანი აქტივისტია. მისი სოციალური მედიის პოსტის აღწერაში ვკითხულობთ: „ჩემი მარტივი რწმენაა, რომ ყველა შეგნებულ არსებას აქვს უფლება, თავისი ნებით იცხოვროს.”
