ემინემის უფროს ქალიშვილს, რომელიც რეპერმა 2000-იანების დასაწყისში იშვილა, ამ კვირაში ქალიშვილი შეეძინა. რეპერისთვის ეს მეორე შვილიშვილია მას შემდეგ, რაც მისმა ბიოლოგიურმა შვილმა ჰეილი ჯეიდმა გასული წლის მარტში ვაჟი გააჩინა.
ალანა სკოტმა ინსტაგრამზე პოსტი გამოაქვეყნა და ახალდაბადებული ქალიშვილის – სკოტი მარი მოელერის ფოტო გააზიარა.
„ჩემი გული სხეულის გარეთ. ის ჩემი ყველაფერია. სკოტი მარი მოელერ, კეთილი იყოს შენი მობრძანება ამ სამყაროში,” – წერს ემინემის უფროსი ქალიშვილი.
ალანა სკოტმა გაამხილა, თუ რა გახდა ქალიშვილისთვის სკოტის დარქმევის შთაგონება. სკოტი მისი ბიოლოგიური დედის გვარია – დონ სკოტი, რომლის დაც – კიმ სკოტი ემინემის ყოფილი მეუღლეა.
დონ სკოტი 2016 წელს გარდაიცვალა. ის ნარკოდამოკიდებულებას ებრძოდა. ემინემი და კიმი კი ერთმანეთს 2007 წელს დაშორდნენ.
„სკოტი – ჩემი დები სკოტების პატივსაცემად. ქალების, რომლებმაც ამ სახელსა და ჩემს ცხოვრებას მნიშვნელობა შესძინეს. დაე, ახლა თავად შესძინოს მას მნიშვნელობა და ყოველთვის იცოდეს, როგორ უყვართ ის – დედას, მამასა და დეიდებს. ჩემს ქმარს კი ვეტყვი: ვერ ვიჯერებ, რომ ის ჩვენია. მადლობა, რომ ცხოვრების ყველაზე დიდი საჩუქარი გამიკეთე. უსასრულოდ მიყვარხარ.”
ალანა სკოტმა ოსრულობის შესახებ ინფორმაცია ოქტომბერში სოციალური ქსელით გაავრცელა.
ემინემის უფროსი ქალიშვილი და მისი მეუღლე მეტ მოელერი ერთმანეთს 2010-იანი წლებიდან ხვდებიან. წყვილი 2021 წლის დეკემბერში დაინიშნა და 2023 წლის ივნისში დაქორწინდა. ალანა სკოტი საკურთხეველთან ემინემმა მიაცილა.
