Starring Georgia გამომწერებს მორიგ ახალ ამბავზე მიანიშნებს. რამდენიმე წუთის წინ სოციალურ ქსელში გამოჩნდა ვიდეო, წარწერით: „მოემზადე ახალი ისტორიის დასაწერად.” ვიდეო პროექტის ფარგლებში საქართველოში გამართული კონცერტების ფოტოებს აერთიანებს, ფონად კი ისმის Scorpions-ის სოლისტის, კლაუს მაინეს ხმა: „საქართველო, მზად ხართ როკისთვის?”
ამ ეტაპზე დამატებითი დეტალები არ ვრცელდება, თუმცა აშკარაა, რომ მალე Starring Georgia-სგან მორიგ სიახლეს უნდა ველოდოთ. როგორც კომენტარებიდან ჩანს, გამომწერები ვიდეოს ახალი არტისტის ჩამოსვლას უკავშირებენ და საკუთარ ვერსიებსაც ასახელებენ.
შეგახსენებთ, რომ Starring Georgia-ს ფარგლებში 2023 წლიდან საქართველოში კონცერტები გამართეს ისეთმა არტისტებმა, როგორებიც არიან: Imagine Dragons, ბრუნო მარსი, ჯასტინ ტიმბერლეიკი, Scorpions და სხვ.
