Saturday Night Live-ში (SNL) სეზონის დასკვნითმა ეპიზოდმა განსაკუთრებული ყურადღება სწორედ პოლ მაკარტნის დაუთმო. The Beatles-ის წევრმა 16 მაისის გამოშვებაში, რომლის წამყვანიც უილ ფერელი იყო, სტანდარტული ორი სიმღერის ნაცვლად სამი კომპოზიცია შეასრულა. ამასთან, მან მონაწილეობა მიიღო დამატებით ეპიზოდებშიც – მონოლოგსა და იუმორისტულ სკეტჩებში.
პოლ მაკარტნი სცენაზე მუსიკალური სტუმრის სტატუსით მეხუთედ წარდგა და 51-ე სეზონი საზეიმოდ დახურა. მუსიკოსი ბოლოს SNL-ის სცენაზე 13 წლის წინ გამოჩნდა, მანამდე კი შოუში 1980, 1993, 2010 და 2012 წლებში მონაწილეობდა.
ახლა უკვე პოლ მაკარტნი Saturday Night Live-ის მუსიკალური სტუმრობის ხუთგზის მონაწილეა. მუსიკოსი SNL-ის ფინალური სეზონის სცენაზე პირველად სიმღერით Days We Left Behind წარდგა, რომელიც მისი მომავალი ალბომის, The Boys of Dungeon Lane-ის მთავარი სინგლია, ალბომი კი ოფიციალურად 29 მაისს გამოვა.
ამის შემდეგ მაკარტნიმ ენერგიული კომპოზიცია, 1974 წლის კლასიკად აღიარებული – Band on the Run შეასრულა, რომელმაც თავის დროზე Billboard Hot 100-ში პირველი ადგილი დაიკავა.
ინგლისელი მუსიკის ლეგენდა საღამოს ეთერში დამატებითი ეპიზოდებშიც გამოჩნდა: წამყვან უილ ფერელის მონოლოგში, სადაც იუმორისტულ სცენაში ფერელი Red Hot Chili Peppers-ის დრამერ ჩად სმიტში ერეოდა და სკეტჩში, სადაც ფერელთან და მარსელო ერნანდესთან ერთად ავტომექანიკოსის როლს ასრულებდა.
შოუს დასასრულს მაკარტნი ტრადიციული დამშვიდობების ნაცვლად მაყურებლის წინაშე თავისი 1980 წლის ჰიტით, Coming up-ით წარდგა, რომელიც Billboard Hot 100-ში პირველ ადგილზე მოხვდა.
ნახეთ პოლ მაკარტნის შთამბეჭდავი გამოსვლა SNL-ის სცენაზე.
