ავსტრიის დედაქალაქ ვენაში ევროვიზიის გრანდიოზული ფინალი გაიმართა. საიუბილეო, 70-ე მუსიკალური კონკურსის მთავარი ჯილდო, ბულგარეთის წარმომადგენელმა Dara-მ მიიღო, რომელმაც გამარჯვება საკონკურსო სიმღერით Bangaraga მოიპოვა.
წელს ევროვიზიის კონკურსში სულ 35 ქვეყანა იღებდა მონაწილეობას, ფინალურ შოუში კი 25 ქვეყანა იყო წარმოდგენილი. 20 მათგანი პირველი და მეორე ნახევარფინალებიდან გადავიდა, ხოლო 5 ქვეყანა ფინალში ავტომატურად მოხვდა.
პირველი ნახევარფინალიდან ფინალში გავიდნენ: ბელგია, ხორვატია, ფინეთი, საბერძნეთი, ისრაელი, ლიეტუვა, მოლდოვა, პოლონეთი, სერბეთი და შვედეთი.
მეორე ნახევარფინალიდან ფინალის საგზურის მფლობელები გახდნენ: ალბანეთი, ავსტრალია, ბულგარეთი, კვიპროსი, ჩეხეთი, დანია, მალტა, ნორვეგია, რუმინეთი და უკრაინა.
ავტომატურად ფინალში იყვნენ წარმოდგენილი: საფრანგეთი, გერმანია, იტალია, გაერთიანებული სამეფო და მასპინძელი ქვეყანა ავსტრია.
ცნობისთვის, წელს საქართველოს სახელით ევროვიზიის დიდ სცენაზე ჯგუფი „ბზიკები“ წარდგა ენერგიული კომპოზიციით On Replay, რომელიც კონკურსს პირველ ნახევარფინალში გამოეთიშა.
ევროვიზია 2026-ის ტრანსლაციას ტრადიციულად საქართველოს პირველი არხი უზრუნველყოფს.
