ჯესი ჯეიმ მკერდის კიბოსთან ხანგრძლივი და მძიმე ბრძოლის შემდეგ, გულშემატკივრებს სასიხარულო სიახლე გაუზიარა. 21 მაისს ინსტაგრამზე გამოქვეყნებულ ვიდეოში მომღერალმა გაამხილა, რომ საავადმყოფოში ჩატარებული ბოლო გამოკვლევის შემდეგ, მის ორგანიზმში კიბოს უჯრედები აღარ არის.
2025 წლის ივნისში, ალბომის – Don’t Tease Me with a Good Time-ის კამპანიის მიმდინარეობისას, ჯესიმ გამოაცხადა, რომ მკერდის კიბოს დიაგნოზი დაუსვეს, რის გამოც მალევე მასტექტომია ჩაიტარა.
უახლეს პოსტში კი მომღერალი ემოციებს ვერ მალავდა. საავადმყოფოს პალატაში ჩაწერილი ვიდეოს აღწერაში ვკითხულობთ: „პასუხები მოვიდა და მე კიბოსგან თავისუფალი ვარ! საათობით ვტიროდი და ერთი წლის განმავლობაში პირველად ამოვისუნთქე მშვიდად.“
მომღერალმა კოლეგებისგან უამრავი თბილი სიტყვა მიიღო. მუსიკალური უნდუსტრიის წარმომადგენლები მას უწერდნენ, რომ ძალიან ძლიერია და ეს ამბავი მათთვისაც სასიხარულოა.
გასულ წელს, დიაგნოზის გასაჯაროებიდან მალევე, ჯესიმ შეერთებულ შტატებში დაგეგმილი ტურნეს – No Secrets-ის ყველა თარიღი გააუქმა, მოგვიანებით კი დიდი ბრიტანეთისა და ევროპის კონცერტებიც გადადო. ოპერაციის შემდეგ ჯესი სცენას სექტემბერში დაუბრუნდა და პირველი პერფორმანსი BBC Radio 2 in the Park-ის კონცერტზე გამართა. ამის შემდეგ, გასულ შემოდგომაზე, მას მეორე ქირურგიული ოპერაცია ჩაუტარდა
