სტეფანემ და Mamaflex-მა კოლაბორაციული კლიპი წარადგენეს. ვიდეო გადაღებულია სიმღერაზე, სახელწოდებით „სიყალბე” და მისი პრემიერა 3 ივნისს შედგა. სიმღერა ცოცხლად პირველად 5 ივნისს, სტეფანე მღებრიშვილის კონცერტზე შესრულდება, რომელიც Spacehall-ში გაიმართება. კლიპის რეჟისორი გიორგი მეშველიანია (avi.musaifi), ფროდაქშენ სერვისი კი კომპანია Industria-ს ეკუთვნის.
კოლაბორაცია სტეფანე მღებრიშვილმა მაისში დააანონსა.
„ეს არის ექსპერიმენტი ჩემთვის, Mamaflex-ისთვის, ასევე რეჟისორისთვის და ამ ყველაფერს დიდი ენთუზიაზმით ვეკიდებით. 3 ივნისს გამოდის ვიდეო, 5 ივნისს კი Mamaflex-იც შემომიერთდება კონცერტზე,” – მიმართა მსმენელს სტეფანემ.
